Pơrjum bơyai đơs sùm, Lâm Đồng là càr lam lài bè lơh broă sa suơn sre ngui măi mok pa bơh jơh gùt lơgar dê, mờ uă mat kă bro phan lơh geh bơh broă lơh sa suơn sre geh bơta kwơ dờp geh sră dờp tàm lơgar mờ ală lơgar. Bal mờ hơ̆, gah lòt nhơl neh gơ gơs gah lơh sa tờm bơh tiah do dê.

Uă jơnau đơs tàm pơrjum bơyai neh mblàng, lơh loh ală broă bè broă lơh sa suơn sre ngui măi mok pa pơgồp bal mờ lòt nhơl ƀòn lơgar; lơh sa tàm pơdar mờ bơyai lơh ù tiah lơh sa tơnơ̆ tŭ tơmŭt bal càr; ngui măi mok, tam gơl sồ mờ AI tàm bơtàu tơnguh lơh sa tơlir; bơsong dà tuh tơlik bơdìh broă lơh lài ngan tàm hữu kơ ai broă lơh sa suơn sre kơ̆ kơl jăp jŏ jòng in... Jat Phó Pơgru dờng, Tiến sìh Ngô Thị Thu Trang, Hìu bơsram Đại họk Dà lơgar Hà Nội, broă tơmŭt bal 3 càr Lâm Đồng- Dăk Nông- Bình Thuận gơ gơs càr Lâm Đồng pa, neh lơh geh tai bơta nàng sơlơ tơnguh tai lơh sa tơlir kơ̆ kơl jăp jŏ jòng.