Jăt jơnau yal bơh Anih duh broă Làng bol càr Dăk Lăk dê, tus nhai 12 nam 2024, càr neh lơh rlau 103% ù broă lơh sa sươn sre, rlau 65% ù ờ gơ wèt broă lơh sa sươn sre jăt gùng dà broă lơh tam pà mờ căng bă ù tiah tàm rơndăp ù tiah càr. Càr Dăk Lăk dan tam gơl wơl jơnau kờñ ngui ù tus nam 2030 bal mờ broă tơrmù ù broă lơh sa sươn sre 5 rbô 200 lồ, ù broă bơ̆t bơtàu năng lượng 1 rbô 800 lồ; tơngguh ù ờ gơ wèt broă lơh sa sươn sre 5 rbô 200 lồ, ù gùng lòt 6 rbô lồ…

Bè lơh jăt Adăt Ù tiah nam 2024, càr Dăk Lăk neh ai lơh jăt 13 sră nggal jơnau pal jăt kơrnoăt boh lam dê. Bulah bè hơ̆, càr tìp kal ke tài bơh adăt cih ală bơta ù pa, mơya ờ geh bơta sèng tàm pơn jăt tai. Bơdìh hơ̆ tai, broă gĭt nền 62 broă jàu ngui ù ờ hềt geh gùng dà broă lơh loh làng gơlam tus kal ke tàm tam gơl rơndăp ù tiah. Tàm dơ̆ lơh broă, mò Đoàn Thị Thanh Mai, Kong kơnòl Anih duh broă Lơh sa Quôk hội dê đơs niam ngan bơta rơcăng lài bơh càr Dăk Lăk dê tàm broă lam lơh ală kơnòl broă geh jàu.