Jăt jơnau yal, rlau 205 rbô nơm hìu ing mờ hìu ồm sèt ñhăt dà mìu neh geh dong kờl tơn jơh. Is ồn, 21 càr mờ ƀòn dờng gơwèt dà lơgar neh ờ gam jơnau geh ngan hìu ing. Nàng kờñ pơn jăt tai gàr niam ală cồng nha neh lơh geh mờ chờ hờp wă rò ngai tơngkah kir sơnrai 80 nam Kăc màng Nhai Phàm lơh geh cồng nha kung bè Sơntờm Dà lơgar ngai 02/09, Thủ tướng sồr ală anih lơh broă geh gơnoar bal mờ ală ƀòn lơgar sơlơ đơng lam mờ lam lơh pràn kơldang srơh tàm pơrlòng “Sơmbăt tê bal tơn jơh hìu ing, hìu ồm sèt ñhăt dà mìu tàm làm jơh gùt lơgar tàm nam 2025”.

Jơnau kờñ tờm là sền bal lơh sir broă tơn jơh hìu ing tàm jơh gùt lơgar lài mờ ngai 31/08/2025. Broă lơh lam lơh pal lơh jăt bơta pal jăt “6 loh” (loh cau, loh broă, loh kơnòl, loh gơnăp gơnoar, loh tơngai mờ loh cồng nha” bal mờ “4 ngan” (đơs ngan, lơh ngan, cồng nha ngan, làng bol geh dờp ngan).