Tàm dơ̆ lơh, đơng lam Anih duh broă Làng bol càr Kon Tum jăt bơta jàu gơnoar jàu sră jờng rơ muh măt Dà lơgar mờ sơlong “Cau lơh sơnơm Jak” ai 12 nă ƀak sìh in, geh: Ƀak sìh Trần Văn Bình, Ƀak sìh Võ Thị Hồng Hạnh, Thạk sìh kơlôi sơnơng gah lơh sơnơm Nguyễn Trung Hảo, Ƀak sìh Đinh Hữu Hoà, Ƀak sìh Đặng Công Lân, Ƀak sìh Bạch Trung Liệu, Ƀak sìh Võ Văn Quang, Ƀak sìh Võ Cảnh Son, Ƀak sìh Đặng Văn Điền, Ƀak sìh Hoàng Văn Đông, Ƀak sìh Nguyễn Thị Thu Thủy mờ Ƀak sìh Phan Minh Ca. Dơ̆ do, Thàk sìh Hoàng Long Quân mờ Ƀak sìh Phạm Minh kung chờ hờp ngan dờp rò Sră jờng rơ bơh Thủ tướng Cíñ phủ dê.

Anih duh broă Làng bol càr Kon Tum kung jàu pà Sră jờng rơ ai 3 mpồl cau mờ 2 nă cau lơh broă tàm gah lơh sơnơm in tài neh geh broă lơh jak chài ngan tàm broă lơh dong kờl, sền gàr mờ tơngguh uă pràn kơldang să jan Làng bol in.