Jat tơrgùm kờp, càr Dăk Lăk tŭ do geh 34 rơbô 434 hìu bơnhă rƀah mờ 27 rơbô 651 hìu bơnhă pa lik klàs rƀah. Tàm khà do, mờr 5 rơbô 400 hìu bơnhă rƀah mờ hìu bơnhă pa lik klàs rƀah gam ơm kis tàm ală hìu lơh ing, hìu sèt ñhăt dà mìu. Jat Ală jơnau neh lơh nền, càr Dăk Lăk rơ̆p dong kờl ală hìu bơnhă do in lơh hìu pa mờ priă tă lơh gơguh tus 342 tơmàn 800 tơlak đong. Tàm hơ̆, 257 tơmàn đong rơ̆p ai bơh Broă lơh dong kờl tơn jơh hìu lơh ing bơh Dà lơgar dê mờ 85 tơmàn 700 tơlak đong bơh kes priă càr dê.

Tơngai lam lơh Ală jơnau lơh nền sơnđờm bơh tŭ do tus jơh nhai 10 nam 2025, mờ jơnau kờñ lơh sir broă bơt bơtàu mờ tàm jàu hìu ơm ai làng bol in di mờ tŭ tơngai, is ồn là tàm dơ̆ Pơrjum dờng Đảng ƀộ ală kấp. Broă lơh jat Ală jơnau lơh nền rơ̆p geh jat sền niam, gàr niam bơta yal loh làng, song dơ pă mờ ờ gŏ lời gơlik geh pơhì pơhà halà bơta ờ niam.