Ngai 1 nhai 3, càr Dăk Lăk dơ̆ lĕ mŭt lơh rơlao 4 rơbô 200 nơm hìu pà hìu rơƀah in
Thứ bảy, 06:00, 22/02/2025
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K'Ho- Ngai (01/03) tus do, ală tiah tàm càr Dăk Lăk rơ̆p dơ̆ lĕ bal mŭt lơh 4 rơbô 285 nơm hìu jăt Ală jơnau neh lơh nền sồ 214 bè tơn jơh hìu sèt, hìu ồm ñhăt dà mìu, dong kờl ală hìu rơƀah, hìu pa lik klàs rơƀah tàm càr in.
Lơh jăt Jơnau neh lơh nền sồ 214 bè tơn jơh hìu sèt, hìu ồm ñhăt dà mìu, Anih duh broă Làng bol càr Dăk Lăk jào Kwang àng càr đơng lam, pơgồp bal mờ Sờh Bơ̆t bơtàu, Sờh Priă jền, ală tiah bal mờ ală mpồl lơh broă gơrềng bal sồr lơh 4 rơbô 285 nơm hìu nàng pà ală hìu rơƀah, hìu pa lik klàs rơƀah tàm càr tàm nam 2025.
Tàm khà do geh rơlao 1 rơbô 650 hìu làng bol jơi bơtiàn ờ gal cau kis bơh yau. Kờp jơh priă lơh là 342 tơmàn 200 tơlăk đong. Khà priă dong kờl lơh pa tơl nơm hìu là 80 tơlăk đong. Ală tiah, gah lơh broă tàm càr Dăk Lăk pơn jăt tai mblàng yal, lam mpồl bơtiàn tă priă bal, dong kờl tai priă lơh, phan lơh hìu, ngai lơh hìu nàng lơh ală hìu gơs niam rơlao mờ di tơngai geh ai, dong kờl ală hìu nhă kal ke kờñ kơl jăp rài kis.
Viết bình luận