Nùs nhơm lơh broă jơh nùs, jal mhar mờ geh cồng nha bơh sơn rờp tàm broă bơsong sră nggal gơnoar atbồ. Làng bol chờ hờp, gơnoar atbồ rơcang lài, crăp rơcang ai ngai lơh broă ngan ngồn bơh ngai 01/7 tus do in. Tàm Mpồl lơh broă dồ mpồng sơnah ƀòn Ea Kao, tơmut bal bơh sàh Ea Kao mờ sơnah ƀòn Ea Tam, bulah geh gal làng bol tus lơh ală bơta sră pơ àr gơnoar atbồ, mpồl dờp, bơsong sră nggal lơh broă niam lơm; ală bơta sră pơ àr geh bơsong sơrbac mhar mờ nùs nhơm drơng broă mờng chài.

Tàm sơnah ƀòn Thành Nhất pa, broă lơh broă tơrlòng lài kung geh lơh niam sơl. Làng bol chờ hờp ngan tŭ gŏ ală bơta tam gơl loh làng ngan tàm bơta drơng broă mờ cồng nha bơsong broă. Bal mờ ƀòn dờng Buôn Ma Thuột, broă lơh sàh gơ wèt càr kung geh lơh tơrlòng lài tàm ală kơnhoàl bơh càr Dăk Lăk dê sơl, dong làng bol ƀuơn lam lơh ală sră pơ àr gơnoar atbồ.