
Tàm dơ̆ pơrjum bơyai, Thủ tướng ồng Phạm Minh Chính đơs nền dơ̆ lòt còp Việt Nam rềp ndo bơh Tổng Ƀí thư, Củ tịc lơgar Lo ồng Tập Cận Bình dê là tềl kah yau, ai tơlik lài gùng dà, broă rơndap lơh jŏ jòng ai bơta git gơp đah 2 Đảng, 2 dà lơgar in. Thủ tướng sồr 2 gah gàr sùm cribơyai kwang bàng kâp dờng; chồl pràn lơh broă bal lơh sa, kă bro, bơcri priă jat gùng dà ring bal, mờ kung rề ơnàng lơh broă bal tàm gah jak chài măi mok, tam gơl pa bơceh lơh, lơh gơlik bơta gơn kơnờm pa ai bơta git gơp đah 2 lơgar.

Thủ tướng lơgar Lo ồng Lý Cường ring bal mờ ală jơnau sồr mờ đơs ngan, Lo tŭ lơi kung rơcang pơgồp bal jơh nùs mờ Việt Nam nàng lam lơh jat ngan ngồn jơnau git wă bal đah kwang đơng lam bồ 2 lơgar; sơlơ tơnguh tai cribơyai, lơh kơ̆ bơta pin dờn cíñ trị mờ lơh geh lơh broă bal ngan ngồn, kuơmàng là tàm ală gah bè kă bro, bơcri priă geh bơta niam uă mờ tàm tơrbŏ bal phan bơna.
Viết bình luận