VOV4.K'Ho - Mho ngai 10/7, Mpồl cau ala mat Quôk hội càr Dăk Lăk bơyai lơh Pơrjum tìp mat cau tĕ khà tơnơ̆ pơrjum dơ̆ 9, Quôk hội khoă XV tàm ală sàh, sơnah ƀòn tiah đah mat tơngai lik càr Dăk Lăk dê (hơ̆ là càr Phú Yên yau).

VOV4.K'Ho - Di Ngai dunia cau ùr tàm Gah Cribơyai broă mờ lơgar ndai (24/6), mang ngai 10/7, tàm Hìu lơh broă Cíñ phủ, Thủ tướng Cíñ phủ ồng Phạm Minh Chính tìp mat ală ùr kwang bàng cribơyai broă mờ lơgar ndai lơgar Việt Nam mờ ală lơgar.

VOV4.K'Ho- Ngai òr (10/07), tàm Hìu duh broă Củ tịc, Củ tịc lơgar ồng Lương Cường tìp măt Mpồl ala măt kwang bàng dong kờl bơsram sră geh pơnrơ jăk gùt lơgar nàng dờp, jờng rơ mpồl kwang bàng lơh broă dong kờl bơsram sră, dong kờl cau jăk, bơ̆t bơtàu mpồl bơtiàn bơsram sră.

VOV4.K'Ho - Ngai 10/7, đơng lam dar pơrjum dơ̆ 47 bơh Anih duh broă Lơh kơnòl broă sùm Quôk hội dê, Củ tịc Quôk hội ồng Trần Thanh Mẫn sồr tơrgùm bơt bơtàu tơngume adat boh lam, tam gơl pa pràn jơh bal bè tơngume, broă lơh mờ bơta niam nàng đơs nền gơnoar broă tề lam, bơt bơtàu bơh Quôk hội mờ Cíñ phủ dê, lơh gơlik bơnàng jă ai tŭ tơngai bơtàu tơnguh pa in.

VOV4.K'Ho - Tŭ do, càr Lâm Đồng geh 2 rơndap broă lơh gùng lòt kuơmàng bơh Ƀộ Bơt bơtàu lơh cau tờm bơcri priă, geh: Rơndap broă lơh lơh niam wơl gơl gùng lòt gan kuèl Mimosa bal mờ bàr pe broă lơh tàm gùng rơndeh dà lơgar 20 mờ Rơndap broă lơh lơh niam wơl gùng rơndeh dà lơgar 28B.

VOV4.K'Ho- Tus tŭ do, jơh gùt lơgar neh dong kờl lơh pa mờ lơh niam wơl geh rlau 264 rbô nơm tàm 274 rbô nơm hìu (lơh geh rlau 95% broă rơndăp lơh). Uă càr, ƀòn dờng neh geh broă lơh rơcăng lài, bơceh lơh, hòi tơrgùm tai ală bơta pràn lơh, geh khà uă ngan halà sơrlèt tơngai jàu.

VOV4.K'Ho- Kung tàm Gia Lai, ngai 09/07, ồng Phạm Anh Tuấn, Củ tịc Anih duh broă Làng bol càr neh lòt sền mờ lơh broă mờ đơng lam sàh tiah nhàr lơgar Ia Dom, ngài mờ anih tờm sră pơ àr gơnoar ătbồ pa càr dê mờr 240 kơi sồ.

VOV4.K'Ho - Mho ngai 09/7, tàm sơnah ƀòn Pleiku, Tỉñ ủy càr Gia Lai bơyai lơh tìp mat, jàu kơnòl broă drơng broă lơh tàm ù tiah anih lơh broă sồ 2 bơh càr Gia Lai dê.

VOV4.K'Ho - 124 mpồl ơruh pơnu lơh broă dong kờl is mờ 1 rbô 200 nă đoàn viên ơruh pơnu càr Lâm Đồng gam lơh geh cồng nha niam ngan dong kờl gơnoar atbồ kâp hơ đơm lơh kơnòl broă sră pơ àr gơnoar atbồ tàm 124 sàh, sơnah ƀòn, tiah is ồn tàm càr.

VOV4.K'Ho- Ai gŏ, broă tơrlòng lơh broă kấp sàh pa ngan, uă kwang bàng, kông cứk gam ờ hềt gơdờp, den tàng gah Lơh jăt kơnòl broă tàm dơlam is pal sền gròi nền nòn broă lơh tàm 102 sàh, sơnah ƀòn, di tŭ yal Anih duh broă Làng bol càr in ală kal ke, gơkòl.