VOV.K’Ho- Mho òr (09/03), tàm Hìu lơh broă Quôk hội geh lơh Pơrjum bơh Mpồl Lơh kơnòl broă sùm Đảng ủy Quôk hội mờ Mpồl Lơh kơnòl broă sùm Đảng ủy Cíñ phủ bè tơngume, broă lơh dơ̆ pơrjum dơ̆ I, Quôk hội khoă XVI.

VOV.K’Ho- Ngai òr (09/03), Mpồl đơng lam Mpồl ling sền gàr tiah nhàr lơgar càr Dăk Lăk neh lòt sền broă lơh rơcang tĕ khà tàm ală mpồl geh bơyai lơh tĕ khà gờñ.

VOV.K'Ho- Tềng đăp mờ bơta kal ke bơh drà kă bro năng lượng dunia dê, càr Lâm Đồng gam tơnguh broă atbồ broă kă bro xăng jờu, mờ pơlam làng bol mìng blơi xăng jờu tơl ngui, bañ prăp tàm hìu nàng gàr niam broă rơcang ồs sa, crùh ồs sa.

VOV.K'Ho- Mang òr (09/03), Thủ tướng Cíñ phủ ồng Phạm Minh Chính neh cri bơyai tàm điện thoại mờ Kwang atbồ Ală lơgar Bơtau dềt Arab tơrgùm dùl (hòi lơyah là lơgar UAE) ồng Sheikh Mohammed bin Zayed Al-Nahyan, cri bơyai bè bơta tàm tiah do mờ lơh pràn bơta git gơ̆p đah lơgar Việt Nam mờ lơgar UAE dê.

VOV.K’Ho- Drim òr (09/03), tàm Hà Nội, Củ tịc Quôk hội, Ƀí thư Đảng ủy Quôk hội ồng Trần Thanh Mẫn, Lam bồ Mpồl sền sơwì, jat sền sồ 11 bơh Ƀộ Cíñ trị, Mpồl đơng lam đảng dà lơgar đơng lam dơ̆ lơh broă mờ Mpồl Lơh kơnòl broă sùm Đảng ủy ală anih lơh broă Đảng Dà lơgar.

VOV.K’Ho- Drim òr (09/03), Mpồl jat sền, lòt sền bơh Mpồl duh broă Tĕ khà dà lơgar bơh ồng Trần Sỹ Thanh, Kwang bàng Ƀộ Cíñ trị, Ƀí thư Đảng dà lơgar, Cau kong kơnòl Anih duh broă Lòt sền dà lơgar, Kwang bàng Mpồl duh broă Tĕ khà dà lơgar lơh kwang lam bồ mpồl neh lòt sền bơta geh ngan mờ lơh broă mờ Anih duh broă Tĕ khà càr Dăk Lăk dê.

VOV.K'Ho- Ală mpồl Sền swì, jăt sền bơh Ƀộ Cíñ trị dê, Mpồl Đơng lam Đảng Dà lơgar pa lơh broă mờ Mpồl lơh kơnòl broă sùm Tỉñ ủy bàr pe ƀòn lơgar tàm kơnhoàl ù tiah Tây Nguyên mờ Đah Jum tàm gùl lơgar. Tàm hơ̆, tơrgùm bàr pe tơngume tờm, bè: broă bơyai lơh kơlôi sơnơng, bơsram, mblàng yal mờ lam lơh jăt Jơnau lơh nền tàm pơrjum bơh Pơrjum dờng XIV Đảng dê; Broă lơh broă lơh jăt Jơnau lơh nền tàm pơrjum.

VOV.K’Ho- Tơnơ̆ tŭ tơmŭt bal mờ càr Bình Định yau, càr Gia Lai pa geh ù tiah bơtàu tơnguh dờng ơnàng, bơh tiah kơh bơnơm mù tus dà lềng mờ bồt bơlào, lơh geh bơta ƀuơn bơta pràn is ồn ai bơtàu tơnguh lòt nhơl in, mờ ală phan bơna li la sền gĭt, ală tiah. Đal gĭt loh ù tiah hơ̆, càr Gia Lai neh gờñ gĭt nền gùng mùl màl, ai lòt nhơl gơ gơs dùl tàm 5 broă tờm lơh sa kwơ màng tàm tơngai tus, pơgồp bal mờ bơtàu tơnguh mờ prap gàr, broă lơh broă sa làng bol mờ jơnau kờñ gơguh lơh sa kơnhăp kơ̆.

VOV.K’Ho- Mpồl sền sơwì, jat sền sồ 10 bơh Ƀộ Cíñ trị, Mpồl đơng lam Đảng dà lơgar dê bơh Tổng Ƀí thư ồng Tô Lâm lơh Kwang lam bồ mpồl pa lam lơh pơrjum yal jơnau lơh nền sền sơ wì, jat sền nam 2026 gơ wèt mờ Mpồl Lơh kơnòl broă sùm Thàñ ủy ƀòn dờng Hà Nội.

VOV.K’Ho- Ồng Nguyễn Thanh Nghị, Kwang geh jơng Ƀộ Cíñ trị, Ƀí thư Đảng dà lơgar, Kwang lam bồ Mpồl gùng dà broă lơh, broă rơndap lơh dà lơgar geh Mpồl duh broă tĕ khà dà lơgar jàu kơnòl tơlik mat tĕ khà cau ala mat Quôk hội khoă XVI, tơngai lơh broă bơh nam 2026 tus nam 2031 tàm càr Dăk Lăk.