Tơnơ̆ tŭ iăt jơnau yal mờ ală jơnau đơs cribơyai tàm dơ̆ lơh broă, Tổng Ƀí thư, Củ tịc lơgar ồng Tô Lâm đơs sùm, lơh sir kơrnoat boh lam, adat boh lam mờ tam gơl pa wơl sền gàr adat boh lam geh bơta gĭt gơ̆p ờ tŭ lơi tam cah is ờ, rềp mềr kơ̆ ngan, pal geh dùl mpồl lơh broă đơng lam gàr niam ală broă lơh lơh adat boh lam, bơyai lơh lơh jat adat boh lam mờ tam gơl pa wơl sền gàr adat boh lam là dùl mpồl tam klăc bal, ring bal, tơnguh tai mờ geh cồng nha.

Tổng Ƀí thư, Củ tịc lơgar đơs loh, broă pồ tơl kwang bàng ờ gŏ di là rơndăp tăp sèng jat măi mok lơm mờ ngan ngồn là rơndăp wơl mpồl broă đơng lam, sồr lơh bơh Dà lơgar dê gơwèt mờ kơnòl broă bơt bơtàu, lơh sir bơh dà lơgar gơnoar adat boh lam sàh hội củ nghĩa Việt Nam. Tổng Ƀí thư, Củ tịc lơgar sồr, tam cah is loh tiah, gơnoar broă bơh Mpồl pơgồp jơnau đơs mờ Dong broă dà lơgar mờ Ƀộ sền gàr adat boh lam; mơkung pal cih ngan ngồn, loh kơnòl, loh kơnòl broă bơh tơl mpồl lơh broă mờ loh kơrnoat boh lam pơgồp bal; pơn jat tai lơh sir rơndăp mpồl lơh broă Mpồl Sồr lơh dê. Tổng Ƀí thư, Củ tịc lơgar ồng Tô Lâm jàu Đảng ủy Ƀộ Sền gàr adat boh lam đơng lam, pơgồp bal mờ Mpồl pơgồp jơnau đơs mờ Dong broă Dà lơgar iăt kơno tơl làm jơnau đơs tă pơgồp bơh dơ̆ pơrjum dê, lơh sir sră tong mờ yal ai Ƀộ Cíñ trị in.