Đơs pơn dut dơ̆ lơh broă, Củ tịc Quôk jội ồng Trần Thanh Mẫn ring bal broă tơrgùm bàr mpồl sồr lơh gơ gơs dùl mpồl; tơngkah Mpồl sồr lơh pal jat sền nền nòn broă lơh, ờ lời broă gơtìp lơyài, jơla; mờ kung git loh kơnòl bơh cau nă să is, mpồl bal, rkàñ cê lơh jat jơnau lơh nền cau lơi ờ tus bal, ờ lơh jat jơnau sồr bè tam gơl sồ den ơm tĕ dùl gah. Bè cồng nha lam lơh srơh “Jơh gùt làng bol bơsram sră sồ - Quôk hội sồ”, Củ tịc Quôk hội sồr kờñ pal geh gơ rề tus jơh gùt anih lơh broă cíñ trị tŭ geh tơl bơta; bơdìh hơ̆ tai, pơn jat tai lam lơh ală sră nggal bè bơta chài ngui măi mok sồ ai kwang bàng, cau lơh broă sa priă nhai dà lơgar tàm Quôk hội in nàng gàr ală jơnau git wă, bơta chài do gơtùi ngui ngan ngồn uă.