Pơn rơ ngan là tàm Gùng dà lơgar 20, tàm kuèl D’ran tơrbŏ Dà Làc mờ Phan Rang, tus tŭ do, neh rlau 6 nhai tơnơ̆ dơ̆ tơrlah 60 rbô khối ù lŭ, broă lơh niam wơl gùng kung gam ờ hềt lơh gơs. Tàm anih tơrlah, anih lơh broă geh gơnoar kung gam pal ờ ai rơndeh kong goa rlau 5 tấn lòt rê mờ mpờl gŏ jơnau pơhìn tơrlah rbàng tài tơrlah jrong rbàng đah ta luy hơ đơm. 

Tàm tŭ hơ̆, tàm kuèl Prenn - gùng tờm hờ tiah đah jum tiah tờm Dà Làc, bulah neh bơsong jơh anih tơrlah lơh koh gơl jơh gùng mơya kung gam uă anih tàm ta luy hơđang pơhìn gơtìp tơrlah lơh gơ kòl gùng kờñ pal geh lơh niam wơl lài mờ kàl mìu. Ồng Nguyễn Thanh Long, Phó Kwang lam bồ Sờh Bơt bơtàu càr Lâm Đồng pà git, tơngai lam lơh niam ală anih tơrlah mờ ờ diơng gùng lòt tàm càr kung gam lơyài pơn drờm mờ jơnau sồr mùl màl.