Đơs tàm dơ̆ đơng lam tàm Pơrjum, Tổng Ƀí thư, Củ tịc lơgar ồng Tô Lâm đơs nền, kwang bàng Mặt trận pal geh nùs nhơm cíñ trị kơ̆ dơn, jơh nùs mờ làng bol, geh bơngă tàm mpồl bơtiàn, geh jơnau git wă lam sồr, cri bơyai, pơlam, hơ jơnau, bơsong bơta gơlik geh; ờ gơtùi ngài làng bol, ờ gơtùi mìng lơh broă bơh jơnau yal; pal lòt tus gùng, iăt tus dŭt ndơl, đơs di mùl màl, dan di anih, jăt tus dŭt ndơl cồng nha; nàng Mặt trận rềp làng bol rơlao, iăt làng bol đơs ơnàng rơlao, hơ jơnau làng bol mhar rơlao, jăt sền broă bơsong jơnau đơs jơnau đơs bơh làng bol dê loh làng rơlao.

Tổng Ƀí thư, Củ tịc lơgar ồng Tô Lâm sồr Mặt trận pal sền kơlôi sơnơng jơnau đơs, tơn jơh mùl màl bè tam klăc dờng gùt jơi bơtiàn, làng bol lơh tờm sàh hội cũ nghĩa, gơnoar lơh tờm bơh Làng bol là kơnòl kwơ màng ngan; dan bơ̆t bơtàu mờ lơh jăt Jŏ jòng jơnau tam klăc bal gùt jơi bơtiàn tus nam 2035, wèt tus nam 2045; lơh loh rơlao tơngu me, kơrnoăt pal jăt, gùng dà broă lơh bal mờ kơrnoăt tơnguh bơta pràn Làng bol, bơta pràn niam chài, bơta pràn kòn bơnus Việt Nam dê.