Tàm dơ̆ wă, Thủ tướng kơp kờñ 2 gah pơn jat tai pơgồp bal jơh nùs, lơh jat geh cồng nha jơnau git wă bal neh lơh geh đah bàr Tổng Ƀí thư, Củ tịc lơgar, ngan là gàr sùm mblàng yal jơnau niam bơnĕ bơh tìp mat kwang bàng kâp dờng, lơh pràn lơh broă bal ngan ngồn tàm ală gah, lơh ngan lơh tus geh ală jơnau kờñ bơtàu tơnguh bơh tơl lơgar dê. 

Thủ tướng sồr lơgar Lo dong kờl, lơh gơlik bơta ƀuơn nàng Việt Nam tus bal geh cồng nha ală broă lơh “Tam pà drà kă bro dờng - Tac phan hờ lơgar Lo”, pờ mpồng rlau tai gơ wèt mờ ală bơta phan lơh gơs bơh suơn sre, phan tàm dà mờ ròng phan bơh Việt Nam dê; lơh pràn lơh broă bal jak chài măi mok, bơto bơtê; bơt bơtàu broă rơndap lơh mùl màl nàng lam lơh Nam lơh broă bal lòt nhơl Việt Nam mờ Lo bơh nam 2026 tus nam 2027; sơlơ tơnguh tai lơh broă bal lơh sơnơm.