Tàm pơrjum, ồng Lữ Ngọc Bình, Lam bồ Mpồl Rơndăp broă Tỉñ ủy càr Quảng Ngãi neh yal Jơnau lơh nền bơh Mpồl đơng lam Đảng Dà lơgar dê bè broă sồr ồng Đặng Quang Hà, Ƀí thư Đảng ủy, Củ tịc Mpồl duh broă Làng bol sàh Măng Đen; ồng Nguyễn Văn Trọng, Kwang Lam bồ Sờh Priă jền mŭt bal tàm Mpồl Duh broă Đảng ƀộ càr Quảng Ngãi, tơngai lơh broă bơh nam 2025 tus 2030.

Mpồl đơng lam Đảng Dà lơgar kung ai lơh jăt Jơnau lơh nền sồr Đại tá Mai Kim Bình, Cíñ ủy Mpồl Đơng lam Ling klàng càr mŭt bal tàm Mpồl Duh broă Đảng ƀộ càr Quảng Ngãi, tơngai lơh broă bơh nam 2025 tus 2030. Ồng Hồ Văn Niên, Ƀí thư Tỉñ ủy càr Quảng Ngãi pin dờn, tàm gơnoar broă pa, ală kwang bàng pa geh mŭt bal tàm Mpồl Duh broă Đảng ƀộ càr rơ̆p pơn jăt tai tơnguh nùs nhơm geh kơnòl, tam klăc, tam gơl pa, bơceh lơh, bal mờ mpồl kwang bàng tàm Mpồl Duh broă Đảng ƀộ càr lơh geh cồng nha ală kơnòl broă cíñ trị, jơnau kờñ bơtàu tơnguh bơh càr dê tàm tơngai bơh nam 2025 tus 2030.