Drim do (13/05), Pơrjum dờng cau ala măt gùt lơgar Mặt trận Dà lơgar Việt Nam dơ̆ XI, tơngai lơh broă bơh nam 2026 tus 2031 pơrjum tơn jơh. Pơrjum dờng mờ tơngu me: “Tam klăc – Làng bol lơh tờm – Tam gơl pa – Bơceh lơh – Bơtàu tơnguh” neh cri bơyai, sền sơwì di pal, tơl ală bơta tàm làng bol mờ mpồl tam klăc dờng gùt jơi bơtiàn; cồng nha lơh jăt jơnau lơh nền tàm pơrjum, Broă lơh bơh Măt trận Dà lơgar Việt Nam khoă X, tơngai bơh nam 2024 tus 2026, ring bal gùng dà broă lơh, jơnau kờñ, Broă lơh bơh Mặt trận Dà lơgar Việt Nam tơngai lơh broă bơh nam 2026 tus 2031; tam gơl, bơtơl Bơta pal jăt Mặt tận Dà lơgar Việt Nam; cri bơyai ring bal pồ Anih duh broă Mặt trận Dà lơgar Việt Nam, Mpồl Củ tịc, Mpồl duh broă sùm, ală groăt đơng lam tàm Anih duh broă Mặt trận Dà lơgar Việt Nam tơngai bơh nam 2026 tus 2031.

Pơrjum dờng neh ring bal pồ geh 397 nă kwang bàng mŭt tàm Anih Duh broă Mặt trận Dà lơgar Việt Nam khoă XI, tơngai lơh broă bơh nam 2026 tus 2031 (ờ tơl 8 nă, rơ̆p geh lơh sir bơtơl tàm tơngai lơh broă tŭ geh kwang bàng di pal). Tàm hơ̆, geh pồ tai là 309 nă cau (geh 77,8%), yal pa là 88 nă cau (geh 22,2%). Tơnơ̆ mờ tŭ cri bơyai pồ Anih Duh broă Mặt trận Dà lơgar Việt Nam khoă XI neh bơyai lơh Pơrjum dơ̆ sơnrờp. Jăt broă lơh, tàm pơrjum tơn jơh, Mpồl Củ tịc Pơrjum dờng yal cồng nha Pơrjum Anih Duh broă Măt trận Dà lơgar Việt Nam dơ̆ sơnrờp khoă XI mờ tơlik măt Mpồl Củ tịc Anih duh broă Mặt trận Dà lơgar Việt Nam khoă XI.