Tàm dơ̆ wă, Tổng Ƀí thư, Củ tịc lơgar ồng Tô Lâm đơs nền Đảng mờ Dà lơgar Việt Nam lài kung bè tơnơ̆, sùm ai lài uă ngan ai bơta git gơ̆p lơh bơyô bal kwơ màng, “geh dùl ờ geh bàr” đah lơgar Việt Nam mờ lơgar Lào dê, kờñ bal pràn kơl dang broă tam gơl pa mờ tơrgùm bal mờ ală lơgar bơh lơgar Lào dê, tŭ lơi kung rơcang dong kờl uă ngan ai Đảng, Dà lơgar bal mờ làng bol lơgar Lào, tam pà bal broă lơh mờng chài nàng sơrlèt bal mờ ală kal ke, bơta lòng, mờ chờ gờm Mpồl geh dơ̆ tus còp mờ lơh broă geh cồng nha niam bơnĕ.

Tổng Ƀí thư, Củ tịc lơgar đơs nền, mŭt tàm tơngai pa bàr gah pal lơh jăt nền nòn, geh cồng nha Sră nggal ring bal lơh broă bal neh geh kĭ. Tổng Ƀí thư, Củ tịc lơgar ồng Tô Lâm pin dờn là, mờ bơnàng jă kơ̆ kơl jăp bal mờ nùs nhơm lơh ngan cíñ trị uă, bơta git gơ̆p Hà Nội – Vientiane rơ̆p pơn jăt tai bơtàu tơnguh pràn kơl dang, pơgồp bal mùl màl tàm broă bơtàu tơnguh bơh tơl tiah dê, mờ lơh nền nền rơlao tai bơta git gơ̆p lơh bơyô bal kwơ màng, tam klăc bal kwơ màng đah lơgar Việt Nam mờ lơgar Lào.