Dờng màng Dơ̆ chu ñàng, kah kơlôi ală Cau khin cha jak chài cau ling chơ̆t màng Gạc Ma
Thứ năm, 06:00, 14/05/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Drim ngai 13/5, tàm tiah Kah kơlôi cau ling Gạc Ma (càr Khánh Hoà), Mpồl lơh broă sồ 17 còp mờ lơh broă tàm bàr pe bồt gơwèt Tiah is ồn Trường Sa (càr Khánh Hoà) mờ hìu dra DK1 neh bơyai lơh dơ̆ chu ñàng kah kơlôi 64 nă kwang bàng, cau ling Ling dà lềng Làng bol Việt Nam neh khin cha chơ̆t phi să tàm broă lơh Gạc Ma ngai 14/3/1988.
Mpồl lơh broă bơh Đại tá ồng Nguyễn Duy Thiều, Phó Kong kơnòl Hậu cần- măi mok, Kụk Hậu cần- măi mok Ling dà lềng lơh kwang lam bồ mpồl bal mờ ală cau tàm mpồl neh jơh nùs pơdơng bơkào, chu ñàng tàm mpồl rùp kah kơlôi “Ală cau ơm bĭc wơl đah jơng trồ”, lời dùl ết phuk kun bồ kah kơlôi mờ tơngŏ nùs nhơm gĭt ưn ngan ờ gĭt lơh gơwèt mờ bơta chơ̆t phi să khin cha jak chài bơh 64 nă kwang bàng, cau ling Ling dà lềng Làng bol Việt Nam.
Broă lơh tơngŏ nùs nhơm “Hùc dà kah tô dà”, ưn ngài ală cau kòn jak ngan bơh jơi bơtiàn dê neh pơdơng sơnam kơnòm să mờ mhàm ntìng ai broă lơh sền gàr gơnoar tờm dà lềng, bồt bơlào bơh Dà lơgar dê.
Viết bình luận