Càr kung geh jơnau kờñ loh làng ai priă jăt tơl qúi. Nàng lơh jăt jơnau kờñ do, Anih duh broă Làng bol càr Lâm Đồng sồr ală sờh, mpồl, gah, ƀòn lơgar mờ cau tờm bơcri priă sơlơ duh rơngòt adăt boh lam, lơh jăt jơnau pal jăt tàm bơcri priă dà lơgar; gĭt nền loh làng kơnòl cau lam bồ mờ kwang bàng jăt sền tơl rơndăp broă lơh, tơl bơnah broă dê. Anih duh broă Làng bol càr Lâm Đồng jàu Sờh Broă dơlam is in đơng lam, pơgồp bal mờ ală mpồl lơh broă geh gơrềng sơlơ tơngguh tai broă lơh sền swì kơnòl broă dà lơgar gơ wèt mờ ală anih lơh broă, mpồl lơh broă, ƀòn lơgar tàm broă lơh jăt kơnòl broă ai priă bơcri dà lơgar; tă pơgồp jơnau đơs bơsong kràñ ală cau lơh tìs, ờ lơh sir kơnòl broă.

Mơkung, kơlôi sơnơng dan mờ Anih duh broă Làng bol càr jăt tàm cồng nha ai priă bơcri dà lơgar nàng lơh jơnau pal geh, jơnau sồr sền swì, bơsong, tơngguh priă, pồ lơh broă kwang bàng tàm tơngai tus. Nam 2026, kờp jơh priă bơcri dà lơgar càr Lâm Đồng dê là rlau 20 rbô tơmàn đong. Tus lồi nhai 4, càr Lâm Đồng pa lơh jăt geh rlau 875 tơmàn đong, ờ hềt geh 10% broă rơndăp lơh.