VOV.K’Ho- Ngai òr (08/03), tàm 20 tiah đùh sră tàm ală bồt gơ wèt tiah is ồn Trường Sa, càr Khánh Hòa neh bơyai lơh tĕ khà cau ala mat Quôk hội khoă XVI mờ cau ala mat Mpồl duh broă Làng bol ală kâp, tơngai lơh broă bơh nam 2026 tus nam 2031, gờñ rlau 1 poh pơndrờm mờ ngai tĕ khà bal bơh gùt lơgar dê.

VOV.K'Ho- Ngai òr (08/03), Mpồl lơh broă bơh Anih duh broă tĕ khà càr Dăk Lăk neh lòt sền tàm mùl màl mờ kờp sền nền wơl broă rơcang tĕ khà ai ngai tĕ khà mờr tus in.

VOV.K'Ho- Mho òr (08/03), Thủ tướng Cíñ phủ ồng Phạm Minh Chính lơh broă mờ càr Điện Biên bè broă lơh jăt kơnòl bơtàu tơnguh lơh sa mpồl bơtiàn càr dê.

VOV.K'Ho- Tềng đăp bơta geh ngan gĭt nđờ rơhiang rơndăp broă lơh tàm càr Lâm Đồng lơyài lam lơh, gơ wă gơkòl jŏ jòng tài bơh tàm rơndăp tàm rơndồl rơndăp ù tiah, tam gơl gùng dà broă lơh mờ gơnăp gơnoar bơsong, bơnah priă bơcri uă gam gơtìp “gơkòl” tàm sră pơ àr. Tềng đăp jơnau sồr gơguh tai uă, càr bal mờ ală ƀộ, gah Dà lơgar gam tơrgùm bơsong jơh jăt di jơnau sồr, mơkung lơh sir broă rơndăp tăp sèng, gàr niam kơ̆ kơl jăp mờ ring bal bè gơnăp gơnoar, lơh gơlik bơta gơn kơnờm bơtàu tơngguh kơnhăp jŏ. Do geh sền làr broă lơh kwơmàng nàng Lâm Đồng in tam gơl pràn, bơtàu tơngguh mhar mờ kơnhăp jŏ tàm rài brồ să dà lơgar dê.

VOV.K’Ho- Mho òr (05/03), tàm Hà Nội, Tổng Ƀí thư ồng Tô Lâm neh geh dơ̆ lơh broă mờ Anih duh broă Sền sơ wì dà lơgar bè cồng nha lam lơh kơnòl broă tă pơgồp jơnau đơs bơt bơtàu, lơh sir kơrnuat boh lam rơcang ai Pơrjum dơ̆ 2 Mpồl duh broă Đảng dà lơgar khoă XIV.

VOV.K’Ho- Ngai òr (05/03), tàm sàh Ea Drăng, Mpồl Duh broă sùm Anih duh broă mặt trận dà lơgar Việt Nam càr Dăk Lăk bơyai lơh pơrjum tìp mat cau tĕ khà mờ ală cau tơlik mat tĕ khà cau ala mat Quôk hội khoă XVI (mpồl tĕ khà sồ 4) mờ cau ala mat Mpồl duh broă Làng bol càr khoă XI, tơngai lơh broă bơh nam 2026 tus nam 2031 (mpồl tĕ khà sồ 22). Pơrjum geh pờ tơlik tơn tàm internet tơrbŏ tus ală sàh Ea Khăl, Ea H’leo mờ Ea Hiao.

VOV.K’Ho- Mho òr (05/03), tàm Hìu lơh broă Cíñ phủ, Thủ tướng Cíñ phủ ồng Phạm Minh Chính neh tìp mat 20 nă Kwang atbồ anih lơh broă ala mat lơgar ndai, Ala mat Mpồl tam klăc câu Âu (EU) mờ ală lơgar tàm mpồl EU tàm Hà Nội di dơ̆ bồ sơnam pa nam Ơseh.

VOV.K’Ho- Mho òr (05/03), tàm Hà Nội, Ƀộ Cribơyai broă mờ lơgar ndai pơgồp bal mờ Anih duh broă Làng bol càr Gia Lai bơyai lơh pơrjum ƀăo ală lơgar yal jơnau yal bè Nam Lòt nhơl Dà lơgar - Gia Lai 2026.

VOV.K’Ho- Ngai òr (05/03), tàm Lữ đoàn Đặk kông Dà 5 (sơnah ƀòn Đông Hải, càr Khánh Hòa), tiah đùh sră sồ 4 neh bơyai lơh dơ̆ tĕ khà gờñ Cau ala mat Quôk hội khoă XVI mờ Cau ala mat Mpồl duh broă Làng bol ală kấp tơngai lơh broă bơh nam 2026–2031, mờ ală cau tĕ khà là kwang bàng, cau ling gơwèt Ƀiñ củng Đặk kông, rcang lòt gùng lơh jat kơnòl pal lơh tàm ală gùng dà lềng, bồt bơlào.

VOV.K'Ho- Tơnơ̆ mờ dơ̆ ơm rơlô Satềp, uă mpồl lơh sa kă bro phan lơh geh bơh suơn sre tàm càr Dăk Lăk neh mhar sơn đờm lơh, lơh gơs khà phan tăc mờ lơgar bơdìh mờ rề ơnàng drà kă bro. Nùs nhơm lơh broă jal mhar tàm ală hìu măi lơh gơs phan, hìu prăp phan mờ tiah tam phan pà gŏ broă rơcang lài nàng git drà kă bro, wèt tus dùl nam gơguh lơh sa pràn.