Gơguh lơh sa kờp bal 3 nhai bồ nam do bơh càr Dăk Lăk dê mìng gơguh 7,47%. Bơta kơn jơ̆ gơguh 10% nam 2026 gam gơ tơrgùm tàm 9 nhai gam wơl, tàm tŭ ală gah tac phan hờ lơgar ndai, lơh sa mờ măi mok mờ ngui sa kong gơ rềng ờ niam bơh priă tă lơh logistics mờ giă phan gơguh jơnhua. 

Nàng tă bơsong bơta gơ kòl, đơng lam càr Dăk Lăk sồr ală sờh, gah broă lơh mờ sàh, sơnah ƀòn sền nền wơl tơl rơndap broă lơh, tơrgùm bơsong mơ tơn ală bơta gơ kòl bè ù tiah, ù lơh rơndap broă mờ sră nggal bơcri priă; lơh mhar tơngai hơ pơrgon ală broă lơh kuơmàng bè gùng rơndeh lòt mhar Khánh Hòa – Buôn Ma Thuột, gùng rơndeh lòt mhar tiah đah tô – tiah đah jum dà lơgar hờ tiah đah mat tơngai lik mờ ală ƀòn ơm kis pa drơng rơndap broă lơh gùng rơndeh ồs lòt mhar tiah đah tô – tiah đah jum dà lơgar in.