Việt Nam mờ Thái Lan là 2 lơgar rềp mềr, geh uă bơta kwơ ndrờm bal tàm gàr niam ring lơngai, kơ̆ kơl jăp, lơh broă bal mờ bơtàu tơnguh tàm tiah do dê. Lòt gan mờr 50 nam kờp bơh tŭ lơh geh bơta gĭt gơ̆p cribơyai broă mờ lơgar ndai, bơta gĭt gơ̆p 2 lơgar sùm geh bơt bơtàu mờ bơtàu tơnguh pràn kơl dang, tơl làm, gơ gơs dùl tàm ală bơta gĭt gơ̆p lơgar rềp bal ngăc ngar mờ geh cồng nha ngan rlau jơh tàm Asean. Thái Lan tŭ do là lơgar lơh broă bal kă bro phan dờng ngan rlau jơh bơh lơgar Việt Nam dê tàm Asean, mờ priă lơh geh bơh kă bro phan đah 2 gah nam 2025 lơh geh rlau 22 tơmàn dolar Mỹ. Bàr rài lơh sa do ngai sơlơ tam klăc bal jrô rlau tàm ală broă tăc bro phan tàm tiah do dê.

Tơnơ̆ dơ̆ tìp mat cribơyai, Tổng Ƀí thư, Củ tịc lơgar ồng Tô Lâm mờ Thủ tướng lơgar Thái Lan ồng Anutin Charnvirakul neh sền bal Dơ̆ jàu ală sră nggal lơh broă bal đah Ƀộ, gah 2 lơgar dê. Di dơ̆ do, Tổng Ƀí thư, Củ tịc lơgar ồng Tô Lâm mờ Thủ tướng lơgar Thái Lan ồng Anutin Charnvirakul neh bal mờ gơ̆p sơnđờm ai ngui Logo tơngkah kir sơnrai 50 nam lơh geh bơta gĭt gơ̆p cribơyai broă mờ lơgar ndai Việt Nam mờ Thái Lan.