Anih cribơyai geh bơyai lơh tàm 2 ngai, ngai 28 mờ 29 nhai 5, mờ bơta tus bal bơh mờr 120 nă cau ala mat là ala mat bơh anih lơh broă atbồ bơto bơtê, Sờh bơto bơtê mờ bơsram, ală hìu bơsram, cau pơgru bơto dà Tây bal mờ ală broă lơh bơto bơtê dà Tây tàm lơgar Việt Nam, Lào mờ Campuchia.

Anih cribơyai tơrgùm sền sơ wì bơta geh ngan, bơta kơ̆p kơnờm bơtàu tơnguh dà Tây tàm ală hìu bơsram bơto bơtê tàm tiah do dê, mơkung sơlơ tơnguh ală jơnau bơceh lơh lơh broă bal nàng kờñ tơnguh uă cồng nha bơto bơtê mờ bơsram dà Tây tàm lơgar Việt Nam. Anih cribơyai mờ tŭ tơngai niam nàng gah bơto bơtê cribơyai mờng chài, gĭt tus mờ ală broă lơh bơto bơtê pa tŭ do, mơkung pơgồp bơnah lơh ngan ngồn gùng dà broă lơh bơtàu tơnguh bơto bơtê, jak chài măi mok, tam gơl pa bơceh lơh mờ mut gơ rờm bal ală lơgar.