Mpồl sền swì, jăt sền Ƀộ Cíñ trị dê lơh broă mờ Mpồl Lơh kơnòl broă sùm Tỉñ ủy càr Lâm Đồng
Thứ sáu, 13:39, 29/05/2026
Cau mblàng Lơ Mu K' Yến/VOV
Cau mblàng Lơ Mu K' Yến/VOV
VOV.K'Ho- Mho ngai 28/5, Mpồl sền swì, jăt sền sồ 31 Ƀộ Cíñ trị dê bơh ồng Nguyễn Văn Quảng, Ƀí thư Đảng Dà lơgar, Lam bồ Anih Cah rña Làng bol Dờng ngan rlau jơh lam bồ neh lơh broă mờ Mpồl Lơh kơnòl broă sùm Tỉñ ủy càr Lâm Đồng bè lơh jăt kơnòl broă cíñ trị tàm ƀòn lơgar.
Tơngai do, Lâm Đồng tơrgùm lam lơh geh cồng nha broă lơh gơnoar ătbồ ƀòn lơgar 2 kâp; lơh pràn lơh jăt Jơnau lơh nền tàm pơrjum 57 Ƀộ Cíñ trị dê bè jak chài măi mŏk, tam gơl pa bơceh lơh mờ tam gơl sồ.
Tàm 5 nhai bồ nam 2026, lơh sa – mpồl bơtiàn càr dê pơn jăt tai gơguh niam ngan, lòt nhơl geh priă bơh kă bro geh rlau 2 rbô 188 tơmàn đong; rề dia geh rlau 14 rbô 930 tơmàn đong, sơrlèt broă jàu Dà lơgar dê jàu. Ồng Nguyễn Văn Quảng sồr càr Lâm Đồng pơn jăt tai tă bơsong kal ke bè pà kâp, pà gơnoar; tam gơl pa broă lơh gơguh tai gơ jăt bal mờ tam gơl sồ, lơh niam bơta ƀươn lòt nhơl, broă lơh sa sươn sre măy mŏk pa mờ lơh sa tơlir.
Viết bình luận