Tàm dơ̆ lơh broă geh lơh tàm bơta gĭt gơ̆p Việt Nam mờ Singapore bơtàu tơngguh jơh nùs tàm uă broă, mờ pin dờn cíñ trị pơn jăt tai geh lơh kơ̆ kơl jăp bơh ală dơ̆ lòt còp, tìp măt tơm bơh bơr kâp dờng sùm.

Singapore tŭ do là cau bơcri priă Asean dờng ngan rlau jơh tàm Việt Nam, tàm hơ̆ ală tiah lơh sa mờ măy mŏk VSIP geh sền là rùp pơrya lơh broă bal geh cồng nha đah bàr lơgar. Singapore kung là dà lơgar bơh sơnrờp lơh gĭt gơ̆p Tam klăc lơh broă bal lơh sa sồ - lơh sa tơlir mờ Việt Nam, pờ gơlik uă tŭ niam lơh broă bal tàm tam gơl sồ, tam gơl pa bơceh lơh, năng lượng kloh mờ drơng wơl mờ tam gơl nhơm trồ tiah. Is ồn, do là dơ̆ sơnrờp dùl nă Tổng Ƀí thư, Củ tịc lơgar Việt Nam đơs yal tơngume tàm tìp măt tơm bơh bơr Shangri-La.