Lòt gan 80 nam bơt bơtàu, tam lơh, dờng pràn mờ bơtàu tơnguh, Kụk mblàng yal pơlam tàp mờ gah mblàng yal pơlam tàp ling klàng sùm rơcang lài, ngac ngar, tă pơgồp jơnau đơs ai Anih duh broă Đảng ling klàng dà lơgar, Ƀộ Ling klàng, Tổng kụk cíñ trị, kâp ủy, đơng lam ală kâp đơng lam, sồr lơh tơl làm ală gah broă lơh bồ tơngoh, niam chài, sền gàr kơ̆ bồ tơngih bơh Đảng dê tàm ling klàng, pơgồp bơnah bơt bơtàu ling klàng làng bol Việt Nam kơ̆ kơljap, pràn kơldang bè cíñ trị. 

Tàm tơngai tŭ do, tŭ dà lơgar mut tàm rài pa mờ bơt bơtàu ling klàng kac màng, ngac ngar, jak chài, pa ngan bal mờ ală bơta lòng bơh ală broă tàm dunia dê gơ rềng tus tàm lơgar, jat Thiếu tướng, Phó pơgru dờng, tiến sìh, cau pơgru làng bol ồng Nguyễn Bá Dương – drơng kơnòl mpồl cau geh jơnau git wă jrô 35 Anih duh broă Đảng ling klàng dà lơgar: broă lơh bồ tơngoh, mặt trận kờñ pal geh tơnguh tus gơnoar broă pa nàng wèt tus bơt bơtàu Ling klàng làng bol Việt Nam ngac ngar, jak chài bè cíñ trị.