VOV4.K’Ho- Thủ tướng ồng Phạm Minh Chính pa geh dơ̆ tìp mat mờ cau tĕ khà tơnơ̆ pơrjum dơ̆ 8, Quôk hội khoă 15 mờ rlau 200 nă cau tĕ khà ala mat ai ală xã, ƀòn drà dềt, ală cau duh broă gah pin dờn jăt Yàng tàm ù tiah kơnhoàl Cờ Đỏ, ƀòn dờng Cần Thơ dê.

VOV4.K’Ho- Mho òr (15/12), Thủ tướng ồng Phạm Minh Chính neh lòt sền ù tiah mờ lơh broă bè bơta lam lơh rơndăp broă lơh gùng rơndeh lòt mhar Cần Thơ - Cà Mau gơl Hậu Giang - Cà Mau.

VOV4.K'Ho- Ngai òr (15/12), Di tơnkah 70 nam Ngai Wa HỒ rê ơm mờ lơh broă tàm Tiah Gơlang Củ tịc, Tổng Ƀí thư ồng Tô Lâm neh tus chu ñàng kah kơlôi Wa Hồ tàm Hìu sồ 67.

VOV4.K'Ho- Drim òr (15/12), tàm ƀòn dờng Pleiku, càr Gia Lai, Đảng ủy, Mpồl đơng lam ling klàng Mpồl ling 34 neh bơyai lơh pơrjum yal Jơnau lơh nền crơng gơs Mpồl ling 34.

VOV4.K'Ho- Tơnơ̆ 6 nam lơh jăt Broă lơh tơl xã dùl bơta phan (OCOP), càr Dăk Nông neh rơhời ai geh măt kă bro ală bơta phan geh lơh bơh broă lơh sa suơn sre geh bơta bơkah uă. Bơh tŭ hơ̆, pơgồp bal tàm broă tơnguh broă pơgồp bal bơ̆t bơtàu mpồl lơh sa nàng bơtàu tơnguh lơh sa suơn sre, ƀòn lơgar jăt broă lơh kơl jăp.

VOV4.K’Ho- Mho ngai 13/12, tàm Hìu duh broă Củ tịc, Củ tịc lơgar ồng Lương Cường wă Kwang ătbồ Anih lơh broă ala măt lơgar Algeria tàm lơgar Việt Nam ồng Sofiane Chaib tus còp tơngăc di dơ̆ tơn jơh tơngai lơh broă tàm lơgar Việt Nam.

VOV4.K’Ho- Drim ngai 13/12, tàm Hà Nội, Đảng ƀộ Gah ală anih lơh broă Dà lơgar bơyai lơh Pơrjum Mpồl Duh broă pờ ơnàng tơn jơh Jơnau lơh nền tàm pơrjum sồ 18 ngai 25/10/2024 bơh Mpồl Duh broă Đảng Dà lơgar khoă XII dê bè “Bàr pe broă bè pơn jăt tai tam gơl pa, rơndăp tăp sèng rơndăp mpồl lơh broă bơh ală anih lơh broă ciñ trị dê tơrmù, lơh broă gơtùi mờ geh cồng nha”.

VOV4.K’Ho- Ngai 13/12, Ling mpồl 15 gơ wèt Ƀộ Ling klàng bơyai lơh Pơrjum tìp măt di tơngkah kir sơnrai 80 nam Ngai tơnggơs Mpồl ling klàng Làng bol Việt Nam mờ 35 nam Ngai chờ jơh gùt làng bol Sền gàr dà lơgar, yal bè broă lơh jăt kơnòl broă lơh sa- sền gàr dà lơgar bơh mpồl he dê.

VOV4.K’Ho- Tàm Hìu Quôk hội, Củ tịc Quôk hội ồng Trần Thanh Mẫn pa geh dơ̆ wă Kwang atbồ dờng Samsung Việt Nam ồng Choi Joo Ho.

VOV4.K’Ho- Mho ngai 12/12, tàm hìu duh broă Đảng Dà lơgar, Tổng Ƀí thư ồng Tô Lâm neh wă ồng Miguel Mejia, Tổng Ƀí thư Đảng Srơh Đah ma Tơrgùm dùl, Ƀộ trưởng Ƀộ Gùng dà broă lơh Mŭt gơrờm bal Kơnhoàl ù tiah do lơgar Kộng hoà Dominica dê gam còp mờ lơh broă tàm Việt Nam.