VOV.M'NÔNG- Nar 27 khay 7 ăp năm – Nar tahen ơm khĭt rmanh – lah rnôk gay lam Đảng, lam ƀon lan n’hanh lam tahen he nkah gĭt n’hâm suan têh kuâng bah ăp tahen ơm khĭt, ăp tahen ơm rmanh, Me Việt Nam dăng janh- ăp nuĭh hŏ n’groh an lĕ du bông nău rêh an n’gâng kan cách mạng chrat ang bah rnoi nuĭh. Nău lah “Ngêt dak kah gĭt tu tơm”, way ơm “Nkah gĭt n’hâm suan” hôm way dơi mât ndray n’hanh rêng lam rlău tĭng rơh kơn. Tâm nduang jay răm mƀak bah jay rgum ƀon lan Tây Nguyên, đoàn viên druh ndăm ndrel ƀư rơh tâm nchră nkah gĭt ăp rnăk geh n’hâm suan đah cách mạng. Ma nău nkoch ngăn ngăn, rngot rhơn bah bu ranh ƀon – du hê tahen ơm n’hanh tahen ơm rmanh râng tâm lơh, ăp nău nkoch mpeh nău n’groh an dăng janh bah ƀon lan, tahen Tây Nguyên.

VOV.M'NÔNG- Ơi kônh wa n’hanh băl mpôl! He mbra dơi lah nti đại học lah nău wơl geh bah âk nuĭh đŏng, yơn mô di lah du trong ngăn ngên gay njêng nău kan. Đah ăp băl mom nkual rnoi mpôl đê̆, nti nău kan lah nău ngăn hôm, kơl ăp kon se gĭt blău tâm săk nơm, rgop rdâk njêng ƀon tơm. Nău ngơi lơn nar aơ geh bôk moh “Nti nău kan lah trong geh nău rêh đŏng”.

VOV.M'NÔNG- Ơi kônh wa n’hanh băl mpôl! Lăp tâm khay mih, sêt bri hon âk, tâm nê geh mô đêt ntil sêt mha êng, dơh geh khuch, mô dơn nê lah geh sa sêt khêh geh ma nău khĭt nuĭh. Nău ngơi lơn “Tâm khay mih- Njrăng đah sêt khêh” lah nău nkah njrăng lor tât kônh wa: Mô dơi rôk, mô sa ăp ntil sêt mha êng, sêt mô gĭt kloh tu tơm luh. Jă kônh wa n’hanh băl mpôl ndrel djăt nău ngơi lơn bah kơi aơ, đah nău tâm ơh bah Điểu Thân n’hanh Thị Đoắt.

VOV.M'NÔNG- Tâm mông nar khuh n’gôr bah ăp nar bôk khay pơh jêng nău nkoch, ăp n’gor mhe dơi njêng bah nău n’glăp nsum bah ăp n’gor Tây Nguyên n’hanh mpeh duyên hải Trung Bộ hŏ lăp kan ngăn. Nău ngơi lơn nar aơ mbra leo kônh wa n’hanh băl mpôl tât đah buôn B, ntŭk bu ranh ƀon Y Briu ntơm du nar mhe bah meng ly cà phê n’hanh du mblâm radio way bên, ndrel djăt ăp nău lư rhơn mƀak. Rơh mâp răm mƀak đah bu ranh ƀon n’hanh bu ur công an druh H’Điêu lah rnôk gay nkah tay ăp rnoh khlay văn hóa, nău n’hao êng săk rnoi nuĭh n’hanh nău nđơr hun hao tâm nău tâm rnglăp krêp mpêt đah yôk bri n’hanh dak lêng.

VOV.M'NÔNG- Ta nkual neh Tây Nguyên duh sial, ntŭk gŭ rêh bah âk ƀon lan rnoi mpôl đê̆ hôm mâp âk jêr jŏt, bôk nău kan "jut jăng jay truh sat, nkưp nde” dôl nsĭt tay ăp nău rgâl kloh. Mô dơn lah ăp mblâm jay mhe têh uĕh, nâp djư̆n, ma hôm lah ndơ ntĭt bah nău du nuih n’hâm đah n’gâng kan ta ntŭk, mpôl công an n’hanh nuĭh ƀon lan. Nău ngơi lơn “Jut jăng jay truh sat – rdâk njêng nău rêh let năp tay” lah nău nkoch ngăn ngăn n’hanh rngot rhơn đah công an xã H’Linh đah bu ranh ƀon, mpơl nău rŏng kon nuĭh jru bah ăp chor jay tâm rŏng nê.

VOV.M'NÔNG- Kêng măng, nar hŏ nhâp rkĭt chông si bah kơi dor yôk. Bơ̆ Linh dôl gŭ bah năp mpông jay rot, ntôl tay kău kŭk. Mê̆ Linh bah jay luh ti ndjôt mpôih, măt uănh nthâng. Bar hê kon dôl pâl rlưn bah năp jâng gung, kho ao uk miu mao buh neh.

VOV.M'NÔNG- Nklang nău rêh mhe aƀaơ n’hanh nău tât công nghệ nar lơn ma hun hao, ăp nuĭh ƀư báo mom, ăp phóng viên bah Đài TNVN nha hôm nsĭt nău ngơi bah ƀon lan ƀoh ngơi đŏng, mô dơn ta radio way ơm ma bah internet, mạng xã hội. Rƀŏng tât nkah ndray 100 năm Nar Báo chí Cách mạng Việt Nam (21/6) Nău ngơi lơn nar aơ geh moh “Nău ngơi bah ƀon lan”. Nê lah rơh nkoch bri dêh bên đah bu ranh ƀon (nkre lah băl djăt radio dêh bên, nkre lah nuĭh kơl kan jŏ ơm bah Radio nău ngơi Việt Nam đŏng) đah bu ur phóng viên mom. Bol ƀư báo way ơm mô lah mhe aƀaơ geh nsum du nău kan, nê lah: mât nău ngơi ƀon lan, rêng lam nău lư di- găl- năn ngăch, nkrêp ƀon lan đah Đảng.

VOV.M'NÔNG- Hơi kônh wa n’hanh băl mpôl! Tât bôk khay mih, yơn ta nkual Tây Nguyên hŏ geh âk nău tât trôk nar lơh kơt phŭt sial, n’glaih chong… lơh khuch khat têh mpeh nuĭh n’hanh drăp ndơ. Lơn lah, mô năn jŏ, tâm nkual hŏ geh âk tơ̆ n’glaih chong khĭt nuĭh ta mir. Nău dŭt rvê lah ta du đêt ntŭk, kônh wa nha hôm uănh lhơ, mô gĭt njrăng dêr trôk nar lơh ơm. Nău ngơi lơn nar aơ mbra ndrel kônh wa nkoch mpeh nkô̆ nău dja. Jă kônh wa n’hanh băl mpôl djăt ndrel!

VOV.M'NÔNG- Ơm ôi nar pơh, ta Jay rgum ƀon, nar bah kon se jê̆ lam ntŭr neh (1/6) dŭt rhơn mƀak. Âk mpưm druh ndăm đah ndơ nsoh “ao ư̆r hăn kơl êng”, nchrăp ntơm kan khay rlu nti mhe. Di tâm rnôk dja ri bu ranh ƀon hăn tât nkoch bri đah druh ndăm. Bu ur bí thư Đoàn druh ndăm rah sơch ôp.

VOV.M'NÔNG- Nha hôm rêh kăl e, Kruanh Hồ Chí Minh way rong an nău rŏng mha êng an ƀon lan ăp rnoi nuĭh. “Yôk mbra dơi lưn, dak mbra dơi suăt, yơn nuih n’hâm Wa dêh rŏng an ƀon lan miền Nam mô dơi rgâl” – nău Wa ntĭnh tâm siƀŭt nchih njuăl Đại hội ăp rnoi mpôl đê̆ miền Nam năm 1946 nha hôm nkah jru mbro tâm bôk rngok ăp rơh kơn. Nkah ndray 135 năm nar deh bah Wa Hồ (19/5) lah rnôk gay druh ndăm ăp ƀon lan Tây Nguyên mpơl nuih n’hâm nkah gĭt jru tât Wa, nsrôih ntơm njêng nău kan, ƀư tơm công nghệ, mât njrăng ntŭk gŭ rêh n’hanh mât ndray săk tơm văn hóa rnoi nuĭh. Nău ngơi lơn “Druh ndăm Tây Nguyên ƀư tĭng nău Wa” mpơl nău rŏng nê.