VOV4.M'NÔNG- Aƀaơ rnoh khlay cà phê hao mbro rđĭl đah ăp năm bah năp nơh. Bah meng nău rhơn jŭr geh, rnoh khlay hao, nuĭh ƀon lan dôl rvê roh bu ntŭng cà phê đŏng rnôk dja bu ndjơh mô dơn klêh ntŭng ma hôm mpĭch n’ging, lơh n’hang roh huach âk an ƀon lan kan lŏ mir tâm ăp khay năm bah kơi tay. Nău rsong hăn mât njrăng mir bah rnăk wâl n’hanh ƀon lan bah năp nău ntŭng rmuănh dŭt n’hâm khlay.

VOV4.M'NÔNG- Đah aƀaơ rlău 20 năm, Ủy ban Trung ương Mặt trận Tổ quốc Việt Nam hŏ n’glêh an sŏk nar 18/11 ăp năm lah “Nar rgum tâm rnglăp lam rnoi nuĭh”. Ăp nar dja, ta Tây Nguyên n’hanh tâm lam dak dôl ƀư “Nar rgum tâm rnglăp lam rnoi nuĭh” tâm nău rhơn nđơr n’hanh nău tâm rŏng tâm pă bah ăp rơh kơn ƀon lan. Kruanh rđău kan Đảng, Ngih dak, gưl ủy, n’gâng kan ăp n’gor ndrel nsum rhơn đah ăp rơh kơn ƀon lan tâm Nar rgum têh.

VOV4.M'NÔNG- Nău way bên mât rong mƀơk lêng, mô ƀư ndrung n’gar lah nău way ơm rluk mâl yơn nha hôm geh tâm bơh ri aơ nơh ta ăp ƀon lan ta nkual jru nkual ngai, nkual rnoi mpôl đê̆ ta Tây Nguyên đŏng. Trong mât rong rluk mâl ơm dja ƀư bir djơh tât ntŭk gŭ rêh, khuch tât n’hâm suan nsum mpôl, ƀon lan. Nău ngơi lơn nar aơ tâm ôp nkô̆ mpeh nău dja.

VOV4.M'NÔNG -Tă bah nău way bên, du đêt nuĭh ƀon lan lôch dŏng jăng mbrach rchŏk, ntô dak si pih ta mir ba mô lah dak me dak diăng ma mô gĭt nău khuch djơh bah nău kan dja đah bri dak tâm ban kơt nău rêh đŏng. Nău ngơi lơn kêng dŭt pơh nar aơ geh moh “Khêh djơh ndŏk nja ndơ tuch tăm”.

VOV4.M'NÔNG - Tâm bah ri aơ nơh, hŏ geh mô đêt nuĭh khĭt yô̆ nđach bah dăk điện. Dŭt mhe aơ, ta n’gor Gia Lai hŏ geh rơh khĭt nuĭh yor wăk tâm rse điện ƀư dăk njrăng bu ntŭng tâm mir sầu riêng. Nău ngơi lơn nar aơ nkah njrăng lor kônh wa mô dơi dŏng dăk điện, der bah ăp nău tât yô̆ nđach:

VOV4.M'NÔNG - Nău tih nău way mpeh đăp mpăn hăn ntung trong ta ăp njăr trong ƀon aƀaơ nha hôm dŭt âk đŏng. Ăp nău tih way saơ lah mô ndô môk bảo hiểm, rdeng rlău nuĭh dơi an, lơn lah nău mprăng ngăch nkêng nkăng bah du đêt druh ndăm rchong… Klach rvê lơn, druh ndăm ta aơ way rgum ngêt sa, hôm ncho ndeh mprek ndôr rsĭk rlŏk đŏng, ƀư roh đăp mpăn rnă njrăng.

VOV4.M'NÔNG - Khay rlu nti hŏ dŭt jêh, năm nti mhe 2024-2025 bơi tât. Ndrel đah nău mât uănh bah gưl ủy, n’gâng kan ăp gưl, n’gâng kan ntĭm n’hanh nti, ăp me bơ̆ dôl nchrăp ăp ndơ dŭt uĕh an oh kon he bah năp năm nti mhe jêng “nar rgum nhih nti” ngăn, đăp mpăn, rhơn mƀak.

VOV4.M'NÔNG - Gĭt nău mĭn ăp nuĭh geh mplư rlăm ma mạng xã hội ŭch mplơ̆ tay prăk lăn geh bu mplư rlăm, âk nuĭh tih tât ôp tay ăp nuĭh geh mplư rlăm gay ƀư rlăm tay khân păng. Cục đăp mpăn nău lư nkah njrăng lor, nuĭh ƀon lan ân êng uănh khlay gay gĭt n’hanh njrăng der năn ngăch.

VOV4.M'NÔNG - Bah năp rnoh khlay sầu riêng hao mbro, tâm bah ri aơ nơh, ƀon lan âk ntŭk tâm lam dak tâm rlong tăm sầu riêng, tâm nê geh ăp n’gor Tây Nguyên. Tĭng Bộ Nông nghiệp n’hanh Phát triển nông thôn, nău hao âk ndal mpeh rnoh hvi neh tăm tâm bah ri aơ nơh hŏ jêng geh âk rmoh rman tâm mât uănh rnoh kah uĕh, roh tâm ban rnoh âk – ŭch geh dŏng sa. Nău ngơi lơn nar aơ nkoch tât nkô̆ nău dja.

VOV4.M'NÔNG - Ăp năm aơ, ta ăp ƀon lan nkual jru, nkual ngai ta Tây Nguyên dơi Ngih dak ntuh kơl rdâk njêng âk trong dak kloh uĕh rgum. Yơn lah, tă bah mô gĭt mât njrăng êng, an trong dak jŭr djơh, khuch khat, nuĭh ƀon lan hôm mô geh dak kloh uĕh dŏng sa. Âk ntŭk, nuĭh ƀon lan ân hăn anh dak ngai đah jay lĕ ma bar pe cây số, mô dơn nê ân bâk dak me, dak diăng mô đăp mpăn kloh uĕh gay dŏng sa ăp nar. Nău ngơi lơn nar aơ nkoch tât nkô̆ nău dja.