Tâm trôm nar lễ nkah ndray 70 năm lơh dơi Điện Biên Phủ (7/5/1954-7/5/2024), măng ntri (6/5), ta Quảng trường 7/5, nkual ƀon têh Điện Biên Phủ, n’gor Điện Biên hŏ ƀư bôk nău kan njroh mprơ mha êng geh moh “Điện Biên Phủ - Jâng ntơm khlay kăl e”.

Tĭng nê, nuĭh djăt- uănh geh rnôk uănh saơ tay du rơh rgŭt n’gĭng n’hanh han dăng bah rnoi nuĭh Việt Nam. Bôk nău kan tâm n’glăp nkre đah kăl e- aƀaơ n’hanh let năp tay, mpơl têh  khlay bah rơh lơh dơi “lư lam ntŭr neh, n’gâr lam bri”. Lôch rơh lễ  hŏ ƀư bôk nău kan njroh mprơ đah 3 bôk nău kan lah: Lam ƀon lan luh tâm lơh; Mprơ rnê han dăng rôk năm XX n’hanh ntŭk tâm tuă tât đăp mpăn. Đah nău tât râng bah nklăp 180 nghệ sĩ way njroh mprơ, ndrel đah ăp mpôl kan êng ƀa ƀă nklăp bơi 800 nuĭh. Bôk nău kan njroh uĕh  n’hanh geh nău tâm rŏng nuĭh, nkre đah ăp nkô̆ njroh mprơ dơi rdâk ƀư âk jŏ n’hanh ăp nău nkah kăl e, tâm păch đah âm nhạc lah ăp nău rblang năl mpeh lơh dơi Điện Biên Phủ bah ăp nuĭh tă ban saơ nău tâm lơh tâm su kăl e, nhà báo Việt Nam n’hanh dak bah dih./.