Kêng măng 14/2 (mùng 5 tết), Nkuăl ƀon têh Đà Lạt (Lâm Đồng) lŏ rgum âk bu năch tât uănh pâl, rlu n’aih. N’hao rnoh năch tât tâm rnôk năm mhe Giáp Thìn 2024 aơ hao bơi tât 62% rđil năm e. Ntơm lơ 29 khay 12 tât lơ 5 Tết, Đà Lạt rgum 238 rbăn năch tât uănh pâl, rlu n’aih, hao bơi tât 62% rđil năm e. Tâm rnoh aơ, geh 18 rbăn năch tă bah dak ba dih, hao 114% ndrel bơi tât 180 rbăn năch gŭ bĭch măng.

Năch hao âk tâm 3 nar, ntơm 3,4 ndrel 5 tết ƀư âk ntŭk tăch ndơ ngêt sa tâm Đà Lạt âk ir nŭih. Gay mô ân geh nau kol trong kơt âk năm bah năp, Công an nkuăl ƀon têh Đà Lạt rgum geh 100% rnoh nŭih kan gay ma pă trong, ntĭm trong hăn. Tĭng công an nkuăl ƀon têh Đà Lạt, ndrel đah nau kol trong, nau kan mêt uănh, rklaih mhal ăp nau tih mpeh ngêt ndrănh, nchuăt ngăch, rlet tih trong kŏ geh rmôt kan n’hao nau ƀư./.