Ăp nar aơ, tâm ăp nkual bah n’gor Dak Lak geh âk nau kan văn hoá, lễ hội bah ăp rnoi, njêng ăp nau ueh ơm tâm nkuăl neh bah nklang Tây Nguyên. Công ty cổ phần sinh thái, văn hoá, nsum mpôl Ko Tam tâm nkuăl ƀon têh Buôn Ma Thuột geh ƀư nau mpoh khtup, lah ueh Quốc Mẫu rgum âk mpưm bu năch ndrel ƀon lan râng uănh. Ăp nar bôk năm mhe, tâm ăp nkuăl bah n’gor Dak Lak kŏ ƀư âk nau kan văn hoá, thể thao khuh n’gor, kơt:

Nar rgum văn háo ăp rnoi tâm nkuăl Ea Kar tal 3, Nar rgum văn hoá, thể thao rnoi Mông tâm nkuăl krông Bông, lễ hội Hảng Pồ tâm nkuăl têh Buôn Hồ, Lễ hội văn hoá vay ơm Việt Bắc tâm nkuăl Krông năng, nau tâm rlong tâm nhăt Vụ Bổn, tâm nkuăl Krông Ana geh nau tâm rlong duk pơk hvi ndrel Lễ njur n’gâng njuh bah rnoi Mường. Aơ mô di lah ăp nau kan rgop nau ƀư leo pâl n’aih, ma hôm njêng luh ntŭk pâl ueh, leo nsĭt nau ueh răm ân ƀon lan ndrel bu năch./.