Tât aƀaơ, rlău 400 doanh nghiệp dăn rƀŏng tĭng nău ƀư rhŏ cà phê an dơm di nkah gĭt 49 năm Nar lơh dơi Buôn Ma Thuột (10/3/1975-10/3/2024).

Nău nchrăp mbra geh hang rbăn ka choh cà phê an dơm gay nkah gĭt nuĭh ƀon lan n’hanh năch rnôk tât nkual ƀon têh Buôn Ma Thuột, n’gor Dak Lak tâm rơh aơ.

Tĭng wa Trần Đức Nhật, Groi Kruanh UBND nkual ƀon têh Buôn Ma Thuột, n’gor Dak Lak, jêh lôch uĕh bah bôk nău kan chĕm ngêt cà phê an dơm ta Lễ hội cà phê Buôn Ma Thuột rơh tal 8, năm 2023, nkual ƀon têh lĕ ntrŭnh săch nar 10/3 ăp năm gay ƀư ngêt cà phê an dơm.  Năm aơ, nău ƀư geh ta 3 ntŭk lah Chợ phiên @ Buôn Ma Thuột, Quảng trường 10 khay 3 n’hanh Đường Sách Buôn Ma Thuột, tâm 2 nar, 9 n’hanh 10/3. Bah meng nĕ, nkual ƀon têh ƀư rhŏ cà phê an dơm ta ăp ntŭk, xă đêt ngăn 1 nar (10/3).