Ôi 20/2, N’gor ủy, HĐND, Ủy ban MTTQ Việt Nam n’gor Dak Lak ƀư bôk nău kan mâp măt 250 đại biểu ntoh măt an nsum mpôl nuĭh gĭt blău, văn nghệ sĩ n’hanh ăp nuĭh ƀư báo tâm n’gor năm Giáp Thìn 2024. Tĭng Kruanh n’gor Dak Lak, tâm năm bah năp, bôl âk jêr jŏt ntŭl rlong yơn n’gor mât uĕh hun hao wăng sa-rêh jêng; rgum nuĭh kan n’hanh ntrôl ngăch mbơh ƀư ăp bôk nău kan rƀŏng tĭng lam dak n’hanh ăp nău nchrăp ƀư ntuh kơl nsum.

Ăp nău kan dak si, văn hóa, thể thao, pâl nđaih, khoa học, công nghệ, thông tin, ntĭm nti geh âk săk rnglăy uĕh. Tâm nău geh nsum nĕ geh nău rgop khlay bah rmôt gĭt blău, văn nghệ sĩ n’hanh ăp nuĭh ƀư báo ta n’gor. Năm 2024 lah năm jâng rgâl, hao ngăch ƀư dơi ăp nău rƀŏng n’gluh an, nău kan bah lĕ năm kan Đại hội Đảng bộ, kruanh n’gor Dak Lak mpŏng ŭch rmôt gĭt blău, văn nghệ sĩ, nuĭh ƀư báo tâm n’gor nsơr an âk lơn tay tâm ăp ntil nău kan gay rgop ndâk njêng Dak Lak ndrŏng uĕh, gĭt blău uĕh lăng ơm.