Ôi nđaơ (4/2), ta Quảng trường 10/3, Hội Văn hóa NGhệ thuật Dak Lak n’hanh UBND nkual ƀon têh Buôn Ma Thuột tâm rgop ƀư ntơm ƀư tâm nđŭr văn hóa chĭng gông nkual ƀon têh Buôn Ma Thuột n’hanh Mpla nsơ rup nghệ thuật, thư pháp mbah rhơn năm Giáp Thìn 2024. Ta bôk nău ƀư bôk năp dơi ƀư, năch pâl nđaih n’hanh ƀon lan dơi djăt uănh ăp nău tŭr chĭng ngăn, chĭng rla tâm rgop njroh xoang n’hanh jă ngêt ndrănh tă bah ăp rmôt nghệ nhân n’hanh kon se 2 ƀon Kmrơng Prong A (xă Ea Tu) n’hanh Alê A (phường Ea Tam) tŭr.

Di rơh aơ, Hội Văn học Nghệ thuật Dak Lak n’hanh UBND nkual ƀon têh Buôn Ma Thuột tâm rgop ƀư mpla nsơ rup nghệ thuật n’hanh thư pháp mbah rhơn năm Giáp Thìn. Đah 80 păng rup ntoh lư dơi săch bah ăp tác phẩm uĕh ngăn rơh tâm rlong rup mpeh nkual ƀon têh Buôn Ma Thuột, mpla nsơ tâm rgop đah ăp ndrơng rup rplay sam ƀŭt thư pháp n’hanh nghệ thuật thư pháp ta play rpung kai, an ta nkual chợ nkao, tơm si n’hanh nghệ thuật way ơm ta Quảng trường 10/3.