Lŏ tâm rgop, tâm boh, ngăn lah tâm rnglăp nkual, njêng âk ntil ndơ mhe tâm nau pâl n’aih gay ntrŭt dăng nau rgum bu năch, hun hao pâl n’aih”. Aơ lah ăp nau ma rmôt kan pâl n’aih Dak Lak ndŏ luh tâm rơh rƀŭn tal 4 năm kan 2024-2029 geh tâm kêng măng 23/1 ta Buôn Ma Thuột. Tâm 5 năm rlau aơ, rmôt kan pâl n’aih Dak Lak hŏ tâm rgop gay ma ƀư âk jrâu ntĭm nti ân ma rbăn nŭih nti, rgop nau n’hao nau dơi ân nŭih ƀư kan pâl n’aih.

Leo ăp nŭih hăn mêt uănh, kơt tĭưng nti, nau kan pâl n’aih nsum mpôl ndrel pâl n’aih Homestay tâm ăp n’gor, nkuăl ƀon têh, kơl an ăp nŭih râng ăp hội chợ, mpla n’hơ, leo ăp rmôt nŭih hăn Ramtrip, mêt uănh, tâm nthoi, ký ton nau nkah tâm boh pâl n’aih. Tâm năm kan mhe, nau kan bah rmôt rgum tâm nau mât nâp nau kan, hun hao nŭih, rgum ăp tơm gay ma ƀư ueh nau kan. Ndrel ma nê, rmôt kan kŏ n’hao nau kan tâm rgop tâm boh nkuăl, njêng ăp nau khlay nâp tâm nau hun hao pâl n’aih tâm nkuăl./.