UBND n’gor Dak Lak mhe ƀư rơh hop an ƀư ăp nău kan rƀŏng tât nkah ndray 120 năm nar njêng n’gor Dak Lak (22/11/1904 - 22/11/2024).
Tĭng trong nchrăp bah Tỉnh ủy Dak Lak, n’gor mbra ƀư lễ nkah ndray 120 năm njêng tâm nar 22/11 năm aơ. Nău kan tơm lah bôk nău kan njroh mprơ mbah rhơn n’hanh ƀư pănh pháo kao dêh. Ndrel đah nê lah tâm nchră khoa học “Dak Lak - 120 năm têh jêng n’hanh hun hao”; Pla n’hơ du đêt nău dơi wăng sa- rêh jêng kon nuĭh; hội chợ pla n’hơ ndơ tăch rgâl săk kah uĕh n’hanh nkoch n’hơ ndơ geh ƀư OCOP; bôk nău kan Lễ hội njêng săk đah nkô̆ “Dak Lak, Ngăch ngăr – blău njêng mhe- Lăp rgum”, ăp rơh tâm rlong rup n’hanh tâm rlong pơk sŏng dăng joi gĭt lịch sử 120 năm têh jêng n’hanh hun hao n’gor Dak Lak. Ăp nău kan ƀư ntơm bah khay 3 tât n’hanh rgum âk tâm 3 khay kêng dŭt năm 2024.
Ta rơh hop kruanh rđău kan UBND n’gor Dak Lak dăn đă ăp đơn vị ndăn ngăch an ƀư ăp nkô̆ tĭng trong nchrăp; nkre, tĭng ƀư đăng ký trong ntĭt leo, gâl kan ntoh lư; rdâk njêng bôk nău kan njroh mprơ đăp mpăn têh lư, nkô̆ hôr, n’hanh trong ƀư tâm di./.
Viết bình luận