Wa Trần Đức Nhật, Groi Kruanh UBND nkuăl ƀon têh Buôn Ma Thuột, n’gor Dak Lak mbơh, di nkah 49 năm nar lơh lơi Buôn Ma Thuột, rklaih n’gor Dak Lak (10/3/1975-10/3/2024) nkuăl ƀon têh Buôn Ma Thuột ƀư bôk nau kan ngêt cà phê mô roh prăk tâm nkual ƀon têh Buôn Ma Thuột. Tĭng nê, nau kan ngêt cà phê mô roh prăk mra geh ƀư ta Chợ Phiên @ Buôn Ma Thuột, Quảng trường lơ 10 khay 3 ndrel Trong săm ƀŭt Buôn Ma Thuột tâm 2 nar, lơ 9-10/3/2024.

Êp nê, n’gâng kan nkuăl ƀon têh kŏ ƀư âk nau kan ngêt cà phê mô roh prăk tâm ăp phường, xã đê̆ ngăn du nar (10/3/2024). Tât rnôk aơ hŏ geh rlau 400 ntŭk tăch cà phê tâm nkuăl ƀon têh Buôn Ma Thuột hŏ đăng kí râng. Rnoh moh săk, ntŭk tăch kơl ân dơm cà phê geh mbơh tâm ăp ntŭk nkoch mbơh nau ndrel mạng xã hội./.