Tâm bar pe năm rlơ̆ aơ, lơn lah lôch bah kơi nuh srê Covid-19, pâl nđaih nsum mpôl ta Dak Lak hŏ geh ăp njuat hun hao nsrôih uĕh.

 Âk ƀon lan dôl mbrơi jêng ăp rkŭm ndơ geh ƀư, njêng ntŭk wăch rgum năch tât uănh pâl n’hanh rlong saơ. Dak Lak hŏ dăp rgum hun hao 16 thôn, buôn pâl nđaih nsum mpôl, gay njêng suan wăch rgum, ntrŭt ntrôl ntil pâl nđaih dja nsĭt geh nău tam ta n’gor. Tĭng wa Nguyễn Thụy Phương Hiếu, Groi giám đốc Sở Văn hóa, Thể thao n’hanh Pâl nđaih Dak Lak, hun hao pâl nđaih nsum mpôl nkre rgop nsĭt tay wăng sa- rêh jêng kon nuĭh an n’gor, kơl rgâl trong wăng sa, nta geh trong rêh, kơi ntop geh wăng sa an nsum mpôl râng tâm ăp rêng kan pâl nđaih. Nkre, rgop n’hao nău gĭt êng mât ndray, ntik n’hao, nkoch  n’hơ rnoh khlay văn hóa way ơm săk ntơr êng bah kônh wa nkre đah hun hao pâl nđaih. Yor kơt nê, ân mhâm ƀư gay ƀon  lan wât kloh n’hanh nsrôih râng ƀư pâl nđaih du trong nchrăp lor ri mơ njêng dơi “suan rêh” an pâl nđaih nsum mpôl./.