Ôi lơ 10/4, UBND nkuăl Đăk Đoa, n’gor Gia Lai ƀư nau ndâk tay nau ôp brah kuăl mih bah rnoi Banar tâm ƀon Hnap. Aơ lah ngoai tâm ăp nau ƀư ueh ơm bah ăp ƀon rnoi mpôl đê̆ tâm n’gor Gia Lai, tâm nau ơm ueh chĭng gong Tây Nguyên.

Nau ôp brah kuăl mih lah nau vay ơm bah rnoi Banar ndrel ăp rnoi êng tâm Tây Nguyên, vay geh ƀư lor ma ntơm rep mir tâm năm, ŭch ân geh mih lăng prăng ueh, mô geh bu tuh tơm tăm, tăm tơm geh jêng.

Aơ kŏ lah rnôk kônh wa ăp nŭih tâm ƀon ndrel geh nau tâm mâp nsum. Tĭng UBND nkuăl Đăk Đoa, nau ndâk ƀư nau ôp brah kuăl mih tâm ƀon Hnap lah du gưl tâm nau ƀư kan.

 Bôk nau kan mât ndrel ƀư ueh nau vay ơm khlay bah ăp rnoi ndrel ƀư rjăp lơn tay nau tâm rnglăp tâm dăch tâm ƀon lan, rgop nau ntrŭt dăng nau hun hao văng sa, rêh jêng./.