“Săm ƀŭt: Nthoi nau blau-njêng nau mhe” nê lah nkô̆ Nar săm ƀŭt ndrel nau vay răk yor UBND n’gor dak Nông ƀư lơ 13/3.

Tĭng nê, Nar săm ƀŭt ndrel nau vay răk tâm n’gor Dak Nông năm aơ geh ƀư đah nau kan gưl n’gor, gay ƀư tĭng Nar săm ƀŭt ndrel nau vay răk săm ƀŭt Việt Nam 21/4, rhơn nkah 20 năm ndâk n’gor Dak Nông (1/1), di nakh 49 năm nar rklaih đăp mpăn Gia Nghĩa-Dak Nông (23//3). Tâm nkuăl ƀon têh Gia Nghĩa, ntơm lơ 13-15/3, Nar săm ƀŭt mra geh âk jêt nau kan, ntoh ngăn lah nau mpla n’hơ rlau 15 ndrôm săm ƀŭt ndrel ăp ntil săm ƀŭt văn học nghệ thuật;

Mpla mbơh ăp nau dŏng nau kan mhe tâm nau kơl an hun hao nau vay răk, ntrơn rgâl mrô kơl an nau kan ntĭm nti, ntrơn rgâl mrô tâm nau kan thư viện; tâm n’ur nŭih nchih-nau nchih; tâm n’ur rmôt, rmôt njroh mprơ mom ndrel tâm n’ur rmôt njroh mhe bah ăp ntŭk kan ntĭm nti. Tĭng wa Hoàng Mạnh Thắng, Groi Giám đốc Ntŭk nkoch mbơh nau n’gor Dak Nông, đah nau leo kan nsum bah 22 rmôt, Nar săm ƀŭt ndrel nau vay răk năm aơ mra ngăn lah nar rgum ueh bah n’gor./.