Kêng măng 4/1, ta Hà Nội, Radio Nău ngơi Việt Nam ƀư Rƀŭn nchră n’glôch jêh trong kan way kan năm 2023, mbơh ƀư 15 nău kan tâm năm 2024. Ngoăy tâm âk săk rnglăy ntoh lư tâm năm bah năp, Radio geh 170 giải báo chí ăp ntil. Năm bah năp, Radio Nău ngơi Việt Nam mbơh nău ngăch, tŏng ăp, lĕ rngôch ăp nău mhe, chính trị, wăng sa, rêh jêng, văn hóa, pâl nđaih, thể thao tâm dak; nkre tĭng rjăp ntĭm rđău, nchrŏng trong tâm nu nău nkoch trêng mpeh ăp nău dak bah dih, ngăch mĭn lah nău mĭn êng nơm nău mĭn bah Đảng, Ngih dak he bah năp ăp nău lam ntŭr neh têh, tâm nĕ geh nău tâm lơh Nga-Ukraine, Israel-Hamas.

N’gluh an 15 nău kan tâm năm 2024, Radio Nău ngơi Việt Nam tĭng rjăp tay nău ntĭm rđău, ƀĭt joet bah Chính phủ, Thủ tướng Chính phủ gay ƀư uĕh nău kan dơi jao, mbơh nu nău di na nê̆, ngăch, lĕ rngôch, jru hvi ăp nău, nău ƀư tâm n’hanh bah dih dak; Ăp trong mkra ƀĭt joet bah Chính phủ gay ƀư dơi nău rbô̆ng hun hao wăng sa-rêh jêng; ƀư lôch uĕh Tâm nđŭr Ntuh ngơi lam dak rơh tal 16; dŭt n’hâm râng ăp giải nkhôm báo chí têh tâm n’hanh bah dih dak... Tâm kêng măng nđaơ đŏng, Đảng ủy Radio Nău ngơi Việt Nam ƀư n’glôch jêh trong kan ndâk njêng đảng năm 2023, mbơh ƀư nău kan năm 2024.