Nău way ntơm luh kan bôk năm Đền Trần năm mhe Giáp Thìn năm 2024 dơi ƀư tâm măng ntri nar 14, ơm ôi aơ nar 15 khay ngoăy âm lịch ta Nkual têl ơm yău đền Trần, n’gor Nam Định. Tâm mông nar têh khlay, ăp nău way: mpoh nhang, tung kiệu ấn n’hanh ntơm luh kan hŏ dơi ƀư đah nkô̆ hôr dăn an ƀon lan uĕh lăng, neh dak dơi đăp mpăn n’hanh ntĭm nti nău way ơm “ngêt dak kah gĭt tu tơm", mpư rnê rnoi Trần- du rơh mât bôk têh dăng tâm lịch sử rnoi nuĭh.
Nău way ntơm luh kan lah du nău way văn hóa geh nău rŏng kon nuĭh gay kađăch lih jan an trôk, neh, yău ye, mpơl nuih n’hâm chon mbah nkah gĭt bri dak, u che hŏ rdâk njêng n’hanh mât njrăng neh dak. Puăn nău treh ta ấn lah "Tích phúc vô cương" ma kađăch Trần ntăm an kon său lah ŭch lĕ rngôch ƀon lan geh âk nău ƀŭn lap, ntĭm nti rhiăng rnoi deh khân păng mât ndray nău way ơm rnăk wâl, nău nău neh dak, nuih n’hâm uĕh lŏng, ân rgum nău ƀŭn lap an dŭt jăp uĕh, ân dŭt ăp tŏng ri ôi tay klak nău ƀŭn lan mơ dơi jŏ jong. Nău way mpoh nhang an ăp kađăch Trần ƀư ta đền Thiên Trường tă bah UBND nkual ƀon têh Nam Định ƀư tơm. Lôch nê lah nău way wơt tung kiệu ấn, ntơm bah jâng gung đền Cố Trạch hăn rlău mpông me tât đền Thiên Trường.
Viết bình luận