Du nău kan ngăn ngăn yor an ntŭk gŭ rêh kloh uĕh ƀư ôi 23/2 ta nkual ƀon têh Buôn Ma Thuột, n’gor Dak Lak. Ta Trong siƀŭt cà phê Buôn Ma Thuột, dơi Thành Đoàn Buôn Ma Thuột kan nsum đah ăp đơn vị tơm kơl ƀư bôk nău kan Nar an ntŭk gŭ rêh kloh uĕh n’hanh ntoh măt “Ntŭk rgâl pil ơm- rgâl pil sŏk siƀŭt- sen lŭ”
Nar kan an ntŭk gŭ rêh kloh uĕh ta trong siƀŭt ƀư 2 nkô̆ lah ntoh măt ntŭk rgâl pil ơm- rgâl sŏk siƀŭt, tơm sen lŭ n’hanh an ƀư “bom găr ntil”. Tâm nê, ƀư “bom găr ntil” lah tâm pot bŏk mpêt, mbuh si đah phân n’hanh du đêt dak, pet môi, lôch nê tăm găr ntil tơm tăm ta trôm lôch nê mon mblâm n’hanh ih kro. Bŏk mpêt nkrum găr ntil ma geh bu chuh sa n’hanh đăp mpăn mbĕ dak tŏng an găr luh hon neng. Tâm ăp "bom găr ntil" geh 5 ntil găr bah tơm njêng mpŭm lha, tơm mât jŏ đạm n’hanh tơm dak si ta n’hâm dêh, tâm di đah ntŭk nchrăp srih tăm. Lôch nê, ăp bom găr ntil dja mbra dơi ăp rmôt râng êng ndjôt gay “tăm” chrai ta ăp nkual neh nsoh, yôk lưn n’hanh ăp neh ja kro ntang ta Liêng Búk Sắc (mpeh nkuâl Lắk), rgop ƀư nkrum n’hâm uĕh si gle./.
Viết bình luận