Ôi ntri (19/1), ta nkual ƀon têh Buôn Ma Thuột, Bảo tàng Dak Lak  kan nsum đah Bảo tàng Mỹ thuật Việt Nam ƀư ntơm pơk pla n’hơ way nkô̆ rup way ơm ƀon lan Việt Nam. Ƀư ntơm bah aơ tât lĕ khay 2 tât, nkô̆ way pla n’hơ, nkoch mbơh 69 păng rup way ơm ƀon lan ntoh lư, sơch tâm  ăp ntŭk rgum prăp bah Bảo Tàng Việt Nam.

Đah ăp ntil rup way ơm ntoh lư kơt: Đông Hồ (Thuận Thành, Bắc Ninh), Hàng Trống, rup Kim Hoàng (Hà Nội), n’hanh du đêt rup thờ Vũ Di (Vĩnh Phúc), Độc Lôi (Nghệ An), geh nkô̆ hôr jru hvi, âk mpưm tâm nău rêh, nău kan bah nuĭh ƀon lan kan lŏ mir, rup dăn nău uĕh lap rnôk ăp tơ̆ Tết tât năm mhe sĭt, mpơl nău wơl geh rbăn rơh bah nuĭh ƀon lan mpeh nău rêh hơm răm, đăp mpăn. Wa Đinh Một, Giám đốc Bảo tàng Dak Lak an gĭt, pla n’hơ gay nkoch mbơh tât lam nuĭh rnoh khlay văn hóa way ơm bah ăp rnoi nuĭh Việt Nam. Nkre lah nău kan pâl rlưn, rhơn nđơr wơt năm mhe Giáp Thìn n’hanh rƀŏng tât mbah rhơn 94 năm Nar  njêng Đảng Cộng sản Việt Nam.