Phần Lan ndrel Trung Quốc lah 2 rmppt rlong phao kao ueh ngăn jêh 4 măng rlong bah 8 rmôt mra geh lŏ dơi ân săch geh nau dơi ueh prêh ngăn tâm măng nglŏ dŭt pănh phao kao geh tâm măng 13/7. Aơ lah nau tă geh dơi bah Rnâng kan ƀư Lễ hội pháo kao lam ntur neh Đà Nẵng năm 2024 geh mbơh ôi 30/6. Lễ hội pănh phao kao lam ntur neh Đà Nẵng năm 2024 geh 8 rmôt tâm rlong, bah ăp neh dak: Mỹ, Phần Lan, Pháp, Đức, Ý, Ba Lan, Trung Quốc ndrel Việt Nam.

Bah nau geh tă dơi săch nsing tâm nau tă geh uănh năl bah Ban Giám khảo, nsing tâm ăp nau geh dơi săch bah ăp ntŭk kơl mbơh nchră, Rnâng kan hŏ săch 2 rmôt geh nau dơi ngăn tă bah rnôk tâm rlong lah Phần Lan ndrel Trung Quốc lŏ geh lăp rlong tâm măng chung kết, Aơ geh ân lah nau geh ueh, tâm di đah nau nchroh năl bah âk nŭih uănh ăp rnôk pănh ueh uănh bah 2 rmôt aơ tâm măng dăch dŭt bah nau tâm rlong lễ hội pháo kao lam ntur neh Đà Nẵng 2024 tâm măng 29/6 mhe rlau./.