Tĭng nĕ, rơh tâm nđur kao Ban Điện Biên năm 2024 geh ƀư ndrel đah ntơm pơk năm pâl nđaih ngih dak- ta Điện Biên đah bôk nău “sĭt nkual neh kao Ban”.

Aơ lah nău kan gay ma mbơh tơih nău pâl nđaih Việt Nam lah nsum n’hanh n’gor Điện Biên lah êng, ntop ƀư tĭng nkô̆ mpŏng rdâk njêng Điện Biên jêng ntŭk tât pâl nđaih ueh bâh nkual trung du gôl yôk mpeh Bắc ta năm 2025. Nkre lah, nău kan na nê̆ vơt rhơn kahgĭt 70 năm nar geh nău dơi Điện Biên Phủ (07/5/1954 - 07/5/2024). Tĭng nău mbơh bâh rnâng kan leo kan, bôk ntuh mbra geh ƀư đah nău kan nghệ thuật khlăy, mpơl nău dơi ăp nău khlăy mpeh ntil ndơ, nău khlăy n’hanh ăp nău pâl nđaih ntoh lư bâh nkual neh, kon nuĭh Điện Biên- Tây Bắc.