꫄ꪁꪙ ꪣꪲ ꪁꪫꪱꪣ ꪜꪱꪀ ꪊꪉꪴ ꪄꪮꪉ ꪚꪱꪫ ꪬꪣꪸ ꪯꪲ ꫃ꪔ ꪵꪀꪉ ꪹꪭꪙ ꪤꪱ ꪚꪮꪣ ꪤꪉꪸ

          ꪕꪮꪥ ꪜꪱ ꪬꪫꪱꪉ ꪖꪲ ꪔꪫꪸꪒ, ꪠꪷ ꪤꪱꪣ ꪶꪒꪀ ꪹꪭꪙ ꪤꪱ ꪓꪱ ꪅꪫꪱ ꪮꪱꪙ ꪹꪠꪀ ꪔꪉꪲ ꪚꪉꪲ ꪗꪺꪙ, ꪹꪭꪙ ꪤꪱ ꪵꪀꪉ ꫄ꪀ ꪀꪫꪱꪙ ꪚꪱꪫ ꪬꪣꪸ ꫃ꪭ ꪣꪲ ꪁꪫꪱꪣ ꪜꪱꪀ ꪊꪉꪴ. ꪵꪊꪉ ꪖꪲ, ꪜꪱ ꪔꪫꪒꪸ ꪪꪱ ꪭꪀꪸ, ꪼꪅ ꪣꪲ ꪝꪉꪳ ꪶꪀꪉ ꪪꪽ, ꪶꪄꪉ ꪕꪳ ꪉꪲ ꪓꪉꪲ ꫃ꪥꪒ ꪶꪁꪚ ꪀꪽ, ꪝꪉꪳ ꪹꪭꪙ ꪚꪮꪣ ꪤꪉꪸ ꪹꪚꪱ ꪭ ꫄ꪊꪚ ꪙꪣꪾ ꪕꪮꪥ ꪩꪺꪉ ꪊꪲ ꪚꪮꪀ ꪻꪒ, ꪀꪺꪉ ꪥꪱꪙ ꫄ꪊꪚ ꪙꪣꪾ ꪋꪲ ꪣꪲ ꪄꪴ ꪠꪒꪲ ꪖꪀꪳ. ꪹꪝ ꪹꪏꪉ ꪙꪽ ꪹꪭꪙ ꪤꪱ ꪹꪚꪱ ꪼꪒ ꪚꪱꪫ ꪬꪣꪸ ꪵꪖꪉ ꪔꪫꪱꪙ  ꫄ꪉꪙ - ꪯꪽ ꪊꪉꪲ ꪨꪷ ꪄꪴ ꪥꪱꪀ ꪋꪱ ꪶꪒꪥ ꪀꪚꪾ ꪚꪱꪀ ꪎꪲ. ꪹꪏꪉ ꪥꪱꪙ ꪡꪱ ꪒꪙꪲ ꪜꪙꪲ ꪖꪱꪥ ꪑꪱꪥ ꪣꪺ, ꪶꪎ ꪵꪖ ꪚꪱꪫ ꪬꪣꪸ ꪯꪲ ꫃ꪔ ꪣꪱ ꪹꪤꪱ ꪤꪱ ꪘꪉꪷ ꪅꪫꪱ ꪑꪲ, ꪹꪭꪙ ꪤꪱ ꪓꪱ ꪅꪪꪱ ꪮꪱꪙ ꪹꪠꪀ ꪨꪱꪥ ꪄꪙꪳ, ꪹꪭꪙ ꪤꪱ ꪁꪷ ꪹꪚꪱ ꪻꪬ ꪝꪉꪳ ꪨꪱꪙ ꫃ꪊꪚ ꪭꪱꪥ ꪙꪮꪙ ꪹꪭꪙ ꪭꪷ ꪹꪥꪉ ꪀꪽ, ꪹꪮꪱ ꪹꪣ ꪙꪮꪙ ꪀꪱ ꪅꪫꪱ ꪀꪺꪀ ꫃ꪔ. ꪬꪱꪀ ꪫꪱ ꪨꪉꪾ ꪙꪰ ꪹꪭꪙ ꪤꪱ ꪨꪷ ꪹꪚꪱ ꪼꪒ ꪵꪖꪉ ꪔꪫꪱꪙ ꪭꪀꪸ ꪙꪮꪙ ꪀꪱ ꪺꪁꪚ ꪬꪱꪀ ꪫꪱ ꪹꪮꪱ ꪹꪥꪉ ꪙꪮꪙ ꪼꪫ ꪔꪉꪲ ꫄ꪉꪙ.

          ꪩꪉꪴ ꪈꪫꪙꪸ ꪣꪉꪲ ꪖꪱꪫ, ꪠꪜ ꪤꪱꪣ ꪶꪔꪉ ꪤꪱꪣ ꪶꪒꪀ ꪚꪱꪫ ꪬꪣꪸ ꪎꪱ ꪶꪭꪥ ꪫꪒꪸ ꪘꪱꪣ , ꪼꪅ ꪙꪲ ꪣꪲ ꪎꪱꪙ ꫄ꪀ ꫄ꪎ ꪯꪲ ꫃ꪔ ꪚꪮꪣ ꪤꪉꪸ ꪏꪳ ꪤꪱ ꪹꪚ ꪁꪷ ꪹꪏꪉ ꪄꪮꪉ ꪯꪲ ꫃ꪔ ꪭꪳ ꪀꪱ ꪁꪮꪙ ꪹꪚꪱ ꫄ꪋꪉ ꪀꪽ. ꪵꪊꪉ ꪖꪲ, ꪝꪮꪣ ꪨꪷ ꪹꪭꪙ ꪤꪱ ꪔꪱꪉ ꫛ ꪹꪏꪉ ꪹꪭꪙ ꪤꪱ ꪓꪱ ꪅꪫꪱ ꪀꪺꪀ ꫃ꪔ ꪫꪙꪲ ꪵꪢꪀ , ꪀꪺꪉ ꪶꪎ ꪭꪱꪉ ꪭꪮꪥ ꪔꪱꪉ ꪤꪱ ꫄ꪩꪉ ꪎꪴ, ꪭꪴ ꪣꪲ 92 ꪔꪱꪉ ꪤꪱ ꪣꪲ ꪁꪱ ꪵꪝꪉ ꪹꪏ ꪹꪭꪙ ꪤꪱ ꪓꪱ ꪅꪫꪱ ꪵꪏꪉ ꪶꪝꪙ ( ꪭꪱ ꪶꪙꪥ ). ꪯꪽ ꪨꪷ ꪔꪱꪉ ꪤꪱ ꪝꪮꪣ ꪚꪮꪙ ꪒꪫꪥꪸ꫃ꪒꪥꪒ ꪮꪮꪀ ꪵꪀꪉ ꪄꪱꪥ ꪮꪮꪀ ꪬꪱꪀ ꪫꪱ ꪵꪝꪉ ꪩꪙꪳ 12%. ꪫꪀꪸ ꪶꪝꪙ ꫄ꪉꪙ ꪚꪱꪫ ꪬꪣꪸ ꪯꪸ ꫃ꪔ ꪪꪱ ꫃ꪜꪙ ꪵꪔ ꪕꪱꪉ ꪙꪮꪀ ꪨꪷ ꪣꪲ ꪹꪏꪉ ꪨꪷ ꪣꪲ ꪹꪏꪉ ꪩꪣꪾ ꪵꪩ ꪹꪩꪱ. ꪬꪱꪀ ꪫꪱ ꪤꪉꪸ ꪫꪀꪸ ꪼꪫ ꪶꪝꪙ ꪀꪫꪲꪥ ꪚꪱꪫ ꪬꪣꪸ ꪯꪲ ꫃ꪔ ꪨꪷ ꪹꪚꪱ ꪋꪳ ꪭꪀꪸ ꫃ꪜꪙ ꪵꪔ ꪕꪱꪉ ꪙꪮꪤ ꪭꪳ ꪹꪚꪱ ꪼꪒ ꪄꪙꪳ ꫄ꪉꪙ ꪼꪬ ꫄ꪀ ꫄ꪎ ꪯꪲ ꫃ꪔ.

ꪕꪮꪥ ꪩꪉꪴ ꪈꪫꪙꪸ ꪪꪽ ꫃ꪓ, ꪼꪴ ꪕꪀꪲ ꪬꪚꪸ ꪶꪭꪥ ꪹꪭꪙ ꪤꪱ ꪚꪮꪣ ꪤꪉꪸ ꪫꪒꪸ ꪘꪱꪣ , ꪨꪱꪥ ꪹꪭꪙ ꪤꪱ ꪁꪷ ꪹꪚꪱ ꪎꪱꪫ ꪭꪴ ꪝꪉꪳ ꪕꪒꪷ ꪜꪙꪴ ꪄꪮꪉ ꪠꪱꪚ ꪩꪺꪒ ꪹꪏꪉ ꪙꪽ ꪹꪚꪱ ꪭꪴ ꪼꪒ ꪙꪱꪉ ꪁꪫꪱꪣ , ꪀꪺꪉ ꪤꪱꪙ ꫄ꪊꪚ ꪙꪣꪾ ꪣꪲ ꪝꪉꪳ ꪄꪴ ꪄꪒꪷ ꪄꪮꪉ. ꪝꪉꪳ ꫄ꪀ ꫄ꪎ ꪢꪮꪉ ꪁꪮꪉ ꫄ꪁꪙ ꪣꪲ ꪩꪺꪉ ꪝꪮꪣ ꪶꪎꪣ ꪻꪊ ꪣꪱ ꪝꪉꪳ ꪩꪺꪉ ꪜꪙꪴ ꪤꪱꪢ ꪓꪉꪲ ꪊꪉꪴ ꪄꪮꪉ ꪝꪉꪳ ꫄ꪀ ꫄ꪎ ꪄꪮꪭ ꪹꪭꪙ ꪹꪘꪀ ꪵꪀꪉ ꪚꪮꪣ ꪤꪉꪸ ꪼꪫ ꫄ꪊꪚ ꪙꪣꪾ, ꪹꪚꪱ ꫃ꪜꪙ ꪣꪲ ꪩꪺꪉ ꪤꪱꪣ ꪓꪉꪲ ꪨꪱꪀ ꪀꪽ ꪹꪏꪉ ꪼꪅ ꪙꪲ.

          7ꪊꪚ ꪙꪣꪾ ꪩꪺꪉ ꪮꪺꪙ ꪝꪱ ꪄꪮꪉ ꪊꪉꪲ ꪠꪴ, ꪚꪱꪫ ꪬꪸꪣ ꪎꪱ ꪶꪭꪥ ꪫꪒꪸ ꪘꪱꪣ ꪒꪱꪡ ꪁꪱꪒ ꪁꪙꪸ ꪀꪚꪾ ꪝꪉꪳ ꪓꪸ ꪹꪠꪉ ꫃ꪕꪭ ꪐꪽ ꪝꪱꪫ ꫄ꪊꪒ ꪹꪩꪉ ꪤꪱ, ꫃ꪕꪉ ꪤꪮꪙ ꪎꪸ ꫄ꪉꪙ ꪏꪳ ꪤꪱ ꪻꪬ ꫛ ꪣꪲ ꪚꪱꪫ ꪬꪣꪸ ꪯꪲ ꫃ꪔ ꫄ꪋ ꪼꪜ ꪄꪱꪣ ꪤꪱ ꫃ꪛꪉ. ꪎꪮꪉ ꪣꪱ ꪣꪸ ꪩꪺꪉ ꪊꪲ ꪚꪮꪀ ꫄ꪊꪚ ꪙꪣꪾ ꪊꪉꪲ ꪵꪎꪀ ꪣꪱ ꪕꪱꪉ ꪄꪱꪣ ꪤꪱ ꫃ꪛꪉ ꪕꪮꪥ ꪚꪱꪫ ꪬꪣꪸ ꪯꪲ ꫃ꪔ ꪼꪒ ꫄ꪋꪉ ꪝꪉꪸ, ꪏꪳ ꪢꪉꪲ, ꪩꪱꪉ ꪒꪲ ꪵꪀꪉ ꪋꪺꪉ ꪭꪮꪉ ꪒꪲ ꫄ꪐꪒ ꪼꪬ ꫛ ꫃ꪛ.

                                                                    ꪵꪗꪉ ꪶꪠ ꪶꪭ ꪊꪲ ꪣꪉꪲ -  ꪵꪭꪉ ꪥꪀꪲ

Cận mi quam pák chung khong bảo hiểm y tế

cánh hươn dà bóm riêng

          Toi pả Hoàng Ngọc Tuyết, Phó Giám đốc hươn dà Đa khoa An Phước, tỉnh Bình Thuận, hươn dà cánh cơ quan bảo hiểm hê mi quam pák chung. Chảnh thí, pả Tuyết va hịa, khay mi pưng công văn, thông tư nghị định dệt cộp căn, pưng hươn bóm riêng báu hụ chấp năm toi luông chík bók đàư, cuông dan chấp năm chi mi khu phít thứk. Pưa xương nặn hươn dà báu đảy bảo hiểm thanh toán ngơn - ặn chính lỏ khu dạk cha đối cắp bác sĩ. Xương dan phạ đin piến thái phạ nhại mua, số thẻ bảo hiêm y tế ma dàu dà nẳng Khoa Nhi, Hươn dà Đa khoa An Phước lài khửn, hươn dà cọ báu hảu pưng lan chếp hại non ho giương căn, àu mưa non cá Khoa Quốc tế. Hák va, lăng nặn hươn dà lỏ báu đảy thanh toán hịa non cộp hák va àu tứm giương non vạy tính ngơn. Pả Tuyết họn chàư va:

( Băng):

          Lung Nguyễn Minh Thảo, Phó Tổng giám đốc Bảo hiểm Xã hội Việt Nam, khay nị mi san cơ sở y tế bóm riêng sự dà báu cọ  chương khong y tế hư ca con báu châng căn. Chảnh thí, pọm lỏ hươn dà tàng 1 xương hơn dà Đa khoa Quốc tế Vinmec, cuông số hạng họi tàng dà lâng xủ, hư mi 92 tang dà mi ca panh xưa Hươn dà Đa khoa Xanh Pôn ( Ha nội ). Ặn lỏ tàng dà pọm bón điêu dệt ók cánh khài ók hak va ca panh lưn 12%. Vịa pộn ngơn bảo hiểm y tế va pên té tang nọk lỏ mi xương lăm le lau. Hák va riêng vịa vạy pộn quỹ bảo hiểm y tế lỏ báu chư hịa pên té tang nọk hư đảy báu đảy khừn ngơn hảu cơ sở y tế. Lung Nguyễn Minh Thảo va:

( Băng):

          Toi lung Nguyễn Văn Đệ, Chủ tịch Hiệp hội hươn dà bóm riêng Việt Nam, lài hươn dà cọ báu sáo hụ pưng tặt pun khong pháp luật xương nặn báu hụ đảy nang quam, cuông dan chấp năm mi pưng khu nhăng khắt khỏng. Pưng cơ sở mong cong cận mi luông pọm xôm chàư ma pưng luông pun giám định chung khong pưng cơ sở khong hươn nước cánh bóm riêng vạy chấp năm, báu pên mi luông giám định lák căn xương khay nị. Lung Đệ hảu hụ:

( Băng):

          Chấp năm luông uôn pa khong Chính phủ, Bảo hiểm Xã hội Việt Nam đang cạt kiên cắp pưng địa phương tênh nhẳn pao chất lượng dà, tênh dón xia ngơn sự dà hảu côn mi bảo hiểm y tế  chơ khám dà bệnh. Xong ma, mi luông chík bók chấp năm chính sách ma tang khám dà bệnh toi bảo hiểm y tế đảy châng piêng, xư minh, lang đi cánh chuông hong đi nhất hảu côn bệnh./.

                                                                   TTTPHCM - Hạnh dịch