ꪶꪭꪥ ꪶꪓꪉ ꫄ꪤꪙ ꪶꪕꪀ ꪶꪀꪀ ꪶꪭꪥ ꪩꪣꪾ ꪵꪩ ꪤꪱꪫ ꪒꪙꪲ ꪤꪱꪫ ꪜꪱ ꪘꪉꪷ ꪨꪱꪥ ꪹꪊꪱ

          ꪙꪚꪾ ꪭꪮꪒ ꪣꪳ 31/12/2016, ꫃ꪕꪉ ꫃ꪢꪒ ꪔꪱ ꪒꪙꪲ ꪜꪱ ꪄꪮꪉ ꪔꪉꪲ ꪨꪱꪥ ꪹꪊꪱ ꪤꪱꪫ 680 ꪝꪽ ꪵꪬꪀ ꪕꪱ.ꪀꪺꪉ ꪙꪽ ꪒꪙꪲ ꪜꪱ ꪨꪷ ꪀꪱꪥ 389 ꪝꪽ ꪵꪬꪀ ꪕꪱ. ꪝꪉꪳ ꪔꪱꪉ ꪔꪱ ꪒꪙꪲ ꪜꪱ ꪁꪷ ꪼꪒ ꪤꪱꪫ ꪻꪬ ꪝꪉꪳ ꪶꪔ ꪊꪀꪳ, ꪵꪤꪉ, ꪊꪉꪲ ꪁꪫꪙꪸ ꪝꪉꪳ ꪎꪱ, ꪶꪠꪉ ꫄ꪤꪙ ꪤꪴ ꪵꪀꪉ ꪝꪉꪳ ꪋꪺ ꪹꪭꪙ ꫄ꪤꪙ. ꪀꪺꪉ ꪙꪽ ꪓꪸ ꪹꪠꪉ ꪥꪾ ꪤꪱꪫ ꪻꪬ 121 ꪚꪱꪙ ꪀꪱꪥ 32 ꪝꪽ ꪵꪬꪀ ꪕꪱ, ꪤꪱꪫ ꪻꪬ ꪀꪱꪥ 3300 ꪋꪺ ꪹꪭꪙ, ꪋꪲ ꪮꪱꪫ ꪭꪮꪒ 15 ꪝꪽ ꪵꪬꪀ ꪕꪱ. ꪶꪒꪤ ꪀꪚꪾ ꪔꪱ ꪒꪙꪲ ꪜꪱ ꪼꪒ ꪀꪫꪱꪙ ꪨꪲ, ꪔꪉꪲ ꪨꪱꪥ ꪹꪊꪱ ꫃ꪭ ꫄ꪊꪚ ꪙꪣꪾ ꪤꪱꪫ ꪜꪱ, ꪬꪉꪲ ꫄ꪭꪚ ꪶꪓꪉ ꪄꪫꪱꪙ ꪼꪜ ꪋꪳ ꪜꪱ. ꪼꪅ ꪙꪲ ꪁꪷ ꫄ꪭꪚ ꪶꪓꪉ ꪄꪫꪱꪙ , ꪼꪜ ꪋꪳ ꪜꪱ ꪻꪬ 72.164 ꪋꪺ ꪹꪭꪙ ꪀꪚꪾ ꪋꪲ ꪮꪱꪫ ꪭꪮꪒ 500 ꪝꪽ ꪵꪬꪀ ꪕꪱ.

          ꪘꪉꪷ ꪋꪴ ꫃ꪥꪒ ꪫꪀꪸ ꪀꪚꪾ ꪠꪴ ꪮꪺꪙ ꪝꪱ ꪔꪉꪲ, ꪒꪫꪱꪙ ꪶꪀꪉ ꪔꪱꪀ ꪎꪷ ꪼꪫ ꪨꪱꪥ ꪹꪊꪱ ꫄ꪁꪙ ꪵꪀ ꪘꪱ ꪵꪊꪉ ꪖꪲ ꪢꪱ ꪔꪱꪉ ꪤꪱꪫ ꪜꪱ ꪻꪬ ꪋꪺ ꪹꪭꪙ ꫄ꪤꪙ ꪵꪀꪉ ꪊꪣꪴ ꪢꪴ, ꪶꪔ ꪊꪀꪳ, ꪐꪽ ꪵꪥꪉ ꪩꪱꪉ ꪒꪲ ꪫꪀꪸ ꪤꪱꪫ ꪒꪙꪲ ꪤꪫꪱ ꪜꪱ ꪻꪬ ꪝꪉꪳ ꪋꪺ ꪹꪭꪙ ꫄ꪤꪙ ꪵꪀꪉ ꪊꪣꪴ ꪢꪴ, ꪶꪔ ꪊꪀꪳꪶ ꪐꪽ ꪵꪥꪉ ꪩꪱꪉ ꪒꪲ ꪋꪀꪸ ꪤꪱꪫ ꪒꪙꪲ ꪤꪱꪫ ꪜꪱ ꪀꪺꪉ ꪤꪱꪙ ꪀꪱꪥ ꪣꪱ. ꪀꪱꪥ ꪩꪣꪾ ꪵꪩ ꪘꪉꪷ ꫄ꪀ ꫄ꪎ ꪵꪀꪉ ꪚꪱꪫ ꪀꪱꪫ ꪄꪮꪉ ꪮꪫꪲꪥ ꪚꪱꪙ ꫄ꪤꪙ ꪹꪣꪉ ꪔꪉꪲ, ꪶꪎ ꪔꪱ ꪒꪙꪲ ꪄꪮꪉ ꪝꪉꪳ ꪭꪫꪙꪸ ꪵꪀꪉ ꪄꪮꪉ ꪔꪉꪲ ꪹꪚ ꪱ꫄ꪋꪉ ꪀꪽ, ꪣꪲ ꪝꪉꪳ ꪔꪱꪉ ꪔ ꪱꪒꪙꪲ ꪜꪱ ꪩꪙꪳ ꪀꪽ ꪭꪮꪒ 12 ꪝꪽ ꪵꪬꪀ ꪕꪱ.

          ꪁꪫꪙꪸ ꪵꪀꪉ ꪄꪴ ꫄ꪩꪥ ꪒꪲ ꪄꪮꪉ ꫛ ꫄ꪤꪙ ꪵꪀꪉ ꪚꪱꪙ ꪎꪱ ꪶꪠꪉ ꫄ꪤꪙ ꪀꪙꪲ ꪤꪴ ꪊꪺꪚ ꪤꪮꪙ, ꪹꪝ ꪝꪲ ꪙꪮꪉ ꪹꪚ ꪱꪋꪳ ꪹꪊ ꪱꪜꪱ ꫄ꪋ ꪓꪸ ꪹꪠꪉ ꪤꪱꪫ ꪜꪱ ꪬꪺ ꪙꪣꪾ ꪬꪺ ꪚꪷ ꪻꪬ ꪝꪉꪳ ꪛꪱꪙ ꪀꪫꪱꪙ ꪨꪲ ꪜꪱ ꪼꪜ ꪋꪳ ꪬꪺ ꪙꪣꪾ ꪬꪺ ꪚꪷ. ꪫꪀꪸ ꪜꪀꪴ ꪜꪱ ꪘꪉꪑꪷ ꫄ꪀ ꫄ꪎ ꪀꪲ ꪜꪲ ꪋꪣꪾ ꪙꪲ ꫄ꪡꪙ ꪨꪱꪥ ꪹꪚ ꪱꪼꪒ ꫛ ꫄ꪤꪙ ꪶꪋꪣ ꪋꪮꪥ. ꪵꪊꪉ ꪖꪲ ꪘꪉꪷ 2 ꪭꪫꪙꪸ ꪎꪙꪲ ꪶꪬ ꪵꪀꪉ ꪡꪮꪉ ꪶꪖ ꪜꪀꪴ ꪼꪒ ꪕꪷ ꪀꪲ ꪝꪽ ꪵꪬꪀ ꪕꪱ ꪀꪺꪉ ꪨꪱꪥ ꪜꪲ. ꫄ꪁꪙ ꫃ꪥꪒ ꪵꪊꪉ ꪘꪉꪷ 2 ꪭꪫꪙꪸ ꪎꪙꪲ ꪶꪬ ꪵꪀꪉ ꪡꪮꪉ ꪶꪖ ꪜꪀꪴ ꪼꪒ ꪕꪷ ꪀꪲ ꪝꪽ ꪵꪬꪀ ꪕꪱ ꪀꪺꪉ ꪨꪱꪥ ꪜꪲ. ꫄ꪁꪙ ꫃ꪤꪒ ꪵꪊꪉ ꫄ꪋ ꪤꪱꪫ ꪜꪱ ꪻꪬ ꪊꪣꪴ ꪢꪴ ꫜ ꪀꪫꪱꪙ ꪨꪲ ꪭꪳ ꪣꪲ ꪝꪉꪳ ꪄꪴ ꪄꪒꪷ ꪄꪮꪉ ꪹꪏꪉ ꪏꪳ ꪣꪱ ꪕꪱꪉ ꪩꪺꪉ ꪜꪙꪴ ꪜꪀꪴ ꪼꪣ , ꪐꪽ ꪵꪥꪉ ꪔꪱ ꪒꪙꪲ,ꪁꪫꪙꪸ ꪄꪴ ꫄ꪩꪥ ꪒꪲ ꪵꪀꪉ ꪵꪊꪀ ꪑꪣꪸ.

          ꪕꪙꪸ ꪶꪕ ꪘꪉꪾ ꪋꪴ ꫃ꪥꪒ ꪫꪀꪸ, ꪶꪒꪉ ꪊꪲ ꪬꪱ ꪉꪮꪀ ꪬꪫꪥꪸ, ꪊꪴ ꪕꪀꪲ ꪶꪭꪥ ꪶꪓꪉ ꫄ꪤꪙ ꪶꪕꪀ ꪄꪮꪉ ꪀꪺꪀ ꪶꪭꪥ ꪪꪱ ꪭꪀꪸ, ꪎꪱꪙ ꪚꪱꪫ ꪀꪱꪫ ꫃ꪭ ꪶꪎꪣ ꪻꪊ ꪣꪱ ꪕꪱꪉ ꪶꪔ ꪶꪎ. ꪋꪣꪾ ꪫꪱ ꪔꪱ ꪒꪙꪲ ꪜꪱ ꪋꪲ ꪮꪱꪫ ꪭꪮꪒ 300 ꪝꪽ ꪵꪬꪀ ꪕꪱ ꪬꪱꪀ ꪪꪱ ꪓꪸ ꪵꪠꪉ ꫄ꪁꪙ ꪼꪒ ꪋꪳ ꪢꪽ ꪫꪀꪸ ꪕꪒꪷ ꪜꪙꪴ ꪢꪱ ꪔꪱꪉ ꪜꪀꪴ ꪵꪔꪙ ꪜꪱ.

          ꪓꪸ ꪹꪠꪉ ꪬꪉꪲ ꪔꪮꪚ ꪬꪮꪣ ꪤꪱꪫ ꪜꪱ ꪄꪫꪱꪙ ꪼꪜ ꪋꪳ ꪻꪬ ꪊꪣ ꪢꪴ ꫜ ꫃ꪭ ꪤꪱꪫ ꪜꪱ ꪜꪀꪴ, ꪩꪣꪾ ꪒꪴ ꪷꪱ ꪼꪫ ꫛ ꫄ꪤꪙ ꪼꪒ ꪎꪴ ꪵꪔ ꪝꪉꪴ ꪄꪴ ꫄ꪩꪥ ꪒꪲ ꪄꪮꪉ ꪫꪀꪸ ꪜꪀꪴ ꪜꪱ. ꪮꪫꪥꪲ ꪚꪱꪙ ꫄ꪤꪙ ꪹꪣꪉ ꪝꪉꪳ ꪎꪱ ꪼꪒ ꪤꪱꪫ ꪔꪱ ꪒꪙꪲ ꪜꪱ ꪻꪐ ꪬꪱꪀ ꪫꪱ ꪩꪺꪉ ꪀꪫꪱꪙ ꪨꪲ ꪑꪉꪷ ꪮꪫꪥꪸ ꪵꪏꪣ. ꪫꪀꪸ ꪋꪙꪸ ꪜꪱꪫ ꪵꪊꪀ ꪑꪣꪸ ꪩꪣꪾ ꪒꪴ, ꪼꪜ ꪋꪳ ꪭꪮꪒ ꫛ ꫄ꪤꪙ ꫃ꪭ ꪼꪒ ꪜꪀꪴ ꪋꪺꪙ ꪹꪏꪉ ꪙꪽ ꪣꪲ ꪚꪮꪙ ꫛ ꫄ꪤꪙ ꫃ꪭ ꪅꪀꪷ ꪅꪷ ꪭꪴ ꪵꪊꪀ ꪑꪣꪸ ꪁꪫꪙꪸ ꪵꪀꪉ ꪄꪴ ꫄ꪩꪥ ꪒꪲ ꪄꪮꪉ ꪝꪲ ꪙꪮꪉ.                                                                  TTT -  ꪵꪭꪉ ꪥꪀꪲ

Hội đông dân tộc Quốc hội lăm le giao đin,

giao pá nẳng Lai Châu

          Nặp họt mự 31/12/2016, tênh mết ta đin pá khong tỉnh Lai Châu dáo 680 păn héc ta. Cuông nặn, đin mi pá lỏ cài 389 păn héc ta. Pưng tàng đin pá cọ đảy giao hảu pưng tổ chức, doanh nghiệp, chính quyên pưng xã, phổng dân dú cánh pưng chua hươn. Cuông nặn, địa phương cọ giao hảu 121 bản cài 32 păn héc ta, giao hảu cài 3.300 chua hươn, chi áo họt 15 păn héc ta. Đối cắp ta đin pá đảy pá quản lý, tỉnh Lai Châu hê chấp năm giao pá, hính hợp đông khoán pảy chự pá. Khay nị cọ hợp đông khoán, pảy chự pá hảu 72.164 chua hươn cắp chi áo họt 500 păn héc ta.

          Nẳng chu dệt vịa cắp phủ uôn pa tỉnh, Đoàn công tác xo vay Lai Châu cận kẻ na chảnh thí ma tang giao pá hảu chua hươn dân cánh chủm mú, tổ chức, nhẳn danh lang đi vịa giao đin, giao pá cuông dan cài ma. Cai lăm le nẳng cơ sở cánh báo cáo khong Uỷ ban dân mương tỉnh, số ta đin khong pưng huyện cánh khong tỉnh báu châng căn, mi pưng tàng ta đin pá lưn căn họt 12 păn héc ta.

          Quyên cánh khu lợi đì khong côn dân cánh bản, xã phổng dân kin dú chuốp dón, pưa pi nọng báu chư chảu pá chơ địa phương giao pá chùa nặm hùa bó hảu pưng Ban quản lý pá pảy chự hùa nặm hùa bó. Vịa púk pá nẳng cơ sở kỷ pi chăm nị phân lai báu đảy côn dân chôm choi. Chảnh thí nẳng 2 huyện Sìn Hồ cánh Phong Thổ púk đảy to kỷ păn héc ta cuông lai pi. Cận dệt chảnh chơ giao pá hảu chúm mú nưng quản lý hư mi khu khắt khỏng xương xưa tang luông pun púk mạy, nhẳn danh ta đin, quyên khu lợi đi cánh trách nhiệm.

          Tiện tô nẳng chu dệt vịa, đồng chí Hà Ngọc Hiếu, Chủ tịch Hội đông Dân tộc khong Quốc hội va hịa, san báo cáo hê xôm chàư ma tô số. Chăm va ta đin hê mi pá chi áo họt 300 păn héc ta, hak va địa phương cận đảy chự mẳn vịa tặt pun ma tang púk ten pá.

          Địa phương hính tọp hòm giao pá khoán pảy chự hảu chủm mú nưng hê giao khoán púk, lăm đu pá vạy côn dân đảy xủ té pưng khu lợi đì khong vịa púk pá. Uỷ ban dân mương pưng xã đảy giao ta đin pá nháư, hák va luông quản lý nhăng yếu xem. Vịa chiên páo trách nhiệm lăm đu, pảy chự họt côn dân hê đảy púc chuân xương nặn mi pưng bón côn dân hê khặc khọ hụ trách nhiệm, quyên cánh khu lợi đi khong pi nọng.

          Vạy pếnh khày lang đi khong vịa giao đin giao pá, Hội đông dân tộc Quốc hội tít tơn tỉnh Lai Châu pên tổ chức tổng kết vịa giao đin, giao pá vạy pảy chự, púk ten pá đi xưa. Púc chuân vịa giao đin, giao pá hảu tựng chua hươn phảu đi cuông dan pày nả.

          Cón nặn, đoàn lăm le Hội đông Dân tộc Quốc hội cọ lăm le nả vịa giao đin, giao pá nẳng 2 huỵên Sìn Hồ cánh Phong Thổ.

                                                                   Khắc Kiên - Hạnh dịch